E je rivade chê ore!
Miercus ai 28 di Març, li de Biblioteche Joppi, aes 6 sot sere, intune cjacarade cun Pauli Cantarut, si presentarà trê gnûfs libris di contis par furlan, ven a stâi lis tre ultimis jessudis pe cjase editore Kappa vu. E induvinait di cui che a son chescj trê libris?
Ben po… a son ducj i trê di int che a cognosseis!
O vin il libri che al è stât segnalât al Sant Simon 2017, dal nestri fedêl famei Checo Tam, che al à nuiemancul che svuedât i siei scansei par regalânus la sô racuelte di contis, dopo il sô Scûr di lune.
Ve chi la cuvierte!
E dopo cjalaitlu li, inte cuvierte, cui che si torne a fâ viodi, dopo i timps des Contis de disincressite… Gianfranco Pellegrini, il nestri Garzon che tant nus à dât cu lis sôs contis di induvinâ voltadis par furlan. Al è lui che nus fâs cjalâ il mont… cun altri voi, e o vin propit bisugne.
E ultin, dopo doi agns da lis sôs contis di famee, ve che il vuestri Ostîr us conte ancjemò altris contis di famee, tiradis fûr de sô acuile gjenealogjiche!
Insome… a saràn sigure altris ocasions in curt, ma intant, par cui che al volès vignî a fâ un zîr a Udin miercus di sere par saludâ i trê autôrs e viodi la prime presentazion, si cjatin ducj di front di Pieri Mortadele a Udin, miercus di sere.
3 comments On Gnûfs libris par furlan!
Buine Pasche ancje a ti Gelo, e a ducj i contecurtârs.. sono za pronts i libris la di Kappa vu? Bepi
Buine Pasche ancje a ti e a ducj! i libris a son fûr e si puedin comprâ, ancje se magari i volarà cualchi dî par metiu sul sît.
Graciis Gelo, Bepi