Serafin al puartave i bregons curts cun lis tiracjis. Al jere il codarûl di une crime di birbants, che a torzeonavin pal paîs dome cul fin di fâ dispiets, no jerin seletîfs, dut ur vignive ben. A vevin cjapât di smire la puarte di une cjase, misurât il larc de stesse, cuntun mani di scove a fracavin il boton dalcampanel, [...]
Tag: Galliano di Buenos Aires
Il zovin Minut al leve cjaminant pe vie di chel centri di vacancis. Si cjatave li compagnant sô mari che, par prescrizion mediche, e faseve dai bagns intes aghis miracolosis (a disevin) di chê lagune simpri plene di int, che e someave il cjalderon di une inmagadore. Dal fondon a sgorgolavin cetancj minerâi che a ingriviavin il licuit, fasint sì [...]
Basili si steve sveant just intal moment dulà che doi infermîrs vistûts di blu a sburtavin il jet jessint di une puarte par jentrâ intune altre. Olmant par ben il lûc si confuartà viodint dome robe di ospedâl, al podeve ancje jessi rivât par un scherç de vite in cualsisei puest de galassie, no si sa mai. Te penombre de [...]
Cui nol aial mai cjatât un mac di clâfs in disûs dentri di un scansel? Forsit vecjis, rusinidis o fruiadis dal timp, ma che a àn simpri condividût un obietîf comun: chê di mantignînus lis puartis sieradis… vint cure di preservânus de curiositât dai altris, dispuescj simpri a usmâ tai dintors umans. Vecjis clâfs che ancjemò vuê a son gjelosis [...]
Un daspò misdì d’Invier fumatôs, la buere cjarsuline e judave un vapôr a partî, intun batibui si sprofondà te scuretât de gnot. Smicjant si olmave dai lusôrs che trindulavin fasintsi strade in cercje de stele che lu varès menât tal sud plui profont. Sul puint de tierce classe, une cubie cuntun frutin a jerin scrufuiâts sore dai fagots, ancje lôr [...]
Za da timp Abêl al viveve tal prin plan de cjase dai paris. A voltis, sentât su la carocele, al rivave a ôr de scjale, al cjalave parsot, e di bot cun fastidi al zirave tornant indaûr. Al ricuardave che zornade che i veve cambiât la vite, e di spes al pensave che nol doveve vêi molât il volant al [...]
Il dì che Abêl al nassè, la comari Milie si sustà cuant che al aparî il cjavut. Par jê, che indi veve viodûts di ducj i colôrs, chest al jere fûr di ogni spieli: se ben che simpri si sintì a dî cheducj i nassints a son biei, di sigûr che chest nol jere. Suspirant e daspò di vêi dât [...]
Pauline e leve a durmî adore, si po dî, come lis gjalinis. E si sveave a buinorone cul prin chichirichi de albe. Si jere sposade zovine. Restade gravide, Manli, il so om, al partì pes minieris dal Congo, lassantle te dolce spiete compagnade dai missêrs. Ogni tant Pauline e riceveve une cartuline cun panoramis tropicâi e cun int nereose e [...]
– Carnevâi a jerin chei di une volte – a disin cumò chei che a àn i cjavei cjanôrs. I ricuarts di chei agns, vuê no ur permet di cjalâ cun ecuitât il presint. Agns indaûr, la venture ju puartave in puescj dulà che il timp concret si fermave, par jentrâ in chel mitic e sagrât di une fieste clamade [...]
– Sù, sù fruts, e je ore co vadis a durmî -, chei cuatri canais a cognossevin il ton de vôs de none, se ben buine come il pan, cuant che e deve un ordin nissun le fermave. La cjase e veve dôs scjalis: une di piere difûr tal curtîl che puartave disore; une volte dentri cjase une altre di [...]
Atili e sô mari a vivevin te vecje cjase di claps. Lu clamavin vedran za che al jere un cuarantin cun nissune premure di cubiâsi. Mancjàs mai che ae viele i vignìs un sclopecûr sal ves puartât une pueme par cjase! Ma si sa, ancje lis ruedis si fermin… Daurman, un amì di Atili, missete e traficon, i cumbinà cun [...]
Dut al scomençà daspò di une lungje e grivie gnotade. Nissun al sierà voli. Si sa, lis cuestions intrigosis si lis disberdee li ca nassin, la savonade si le fas dentri cjase. Cussì al fo che dal vuê al doman Gnese e sô fie Flore, une fantaçute sui cuindis agns, a sparirin di circolazion. In famee a disevin che a jerin ladis a cjatâ [...]