Ancjemò prime che finissi la vuere Cisire e Rosine, mês agnis, a pene deventadis fantatis a jerin partidis vie pal mont: la prime pes Americhis, là che dopo si jere ancje maridade. Chê, altre, invezit, dope jessisi rote la schene des bandis di Vercelli a lavorâ tes risieris, je finide a Rome a fâ la massarie in cjase di siôrs. Ancje mei barbis e jerin partîs. Il Duce jù veve clamâts: puarets par mandâju te vuere de Russie d’indulà che mai a son plui tornâts.
Cun di plui, mê none, di un pieç e jere vedue e, ancje par chest gno pari nol podeve lassâle bessole.
Se no, di sigûr, ancje lui al sarès lât in montagne. Un so amì, un vêr comunist, partigjan de Garibaldi, lu veve propit striât. Lu veve convint che dome di chê bande si podeve finî cu la vuere e cun chel mont che ju veve simpri doprâts come mus.
Chel mont che di lôr al veve fat dome cjar di macel, o braçs di vendi par un blanc e par un neri al solit paron.
Di chês gnovis ideis che al jere convint, cussì e contave mê none, gno pari si jere fissât. Guai a cui che i tocjave Lenin, o chel des mostacjis. Ducj i doi ju veve simpri tal cûr e tal cjâf. Oms, che par lui a vevin dade la cjase e il lavôr soredut a la puare int; che pardabon a vevin metudis lis mans tes sachetis di chei masse passûts, fats siôrs cul sudôr di chi altris.
Vere o barete che al fos stade la flabe che i vevin contade, par chest gno pari di zovin al crodeve te vite, tal mont che al vignive indenant. Gno pari al crodeve te sô zoventût.
Bastave dome un un toc di bandiere cuntun fregul di ros par che al tacats a cjantâ. Cjançons che e savevin di tantis sperancis, che contavin de Viertis aromai a puartade di man.
E ancje se la miserie, in chei timps, si taiave sul çoc, di un mont gnûf che si faseve indenant gno pari al jere convint. E cussì, a son ladis lis robis, ancje se no propit cemût che lui lis bramave. Il mont al jere di fat lât indenant e in cualchi maniere si jere un pôc comedât: lavôr e bondance, cualchi an a pene finide la vuere, ‘nd jerin propit par ducj.
Ma di cuant che l’ordenadôr al à tacât a fâ di paron, al somee propit che dut al tornedi indaûr. Lavôr ‘nd pôc e chei pôcs che lavorin, si e no che si cuistin il pan.
I zovins e tornin a fâ lis valîs e a van vie pal mont. E chei pôcs che son siôrs, deventin simpri plui siôrs. Mancje dome che torni la vuere, chê bestie che forsit al è miôr no nomenâle ancje parcè che no masse lontan, tancj e an tornât a tirâ cu lis sclopis.
Se al fos vîf puar gno pari, di sigûr i disarès a gno fi di tornâ su lis monts, in che i pics che ancjemò si visin di chês rossis bandieris, di chês vecjis sperancis
Ma cui sa, se chel frut darà rete a lis sôs santis peraulis? O crôt propit di no. Ai zovins di vuê ur mancjin i siums, no crodin te fuarce de lôr zoventût, intune gnove vierte a puartade di man. Ma cemût podìno crodi? Sin stâts propit no par prins a tradîju, a tradî, lis sperancis di puar gno pari e di chei come lui che pardabon jerin lâts in montagne ancje par lôr.
Cun di plui, mê none, di un pieç e jere vedue e, ancje par chest gno pari nol podeve lassâle bessole.
Se no, di sigûr, ancje lui al sarès lât in montagne. Un so amì, un vêr comunist, partigjan de Garibaldi, lu veve propit striât. Lu veve convint che dome di chê bande si podeve finî cu la vuere e cun chel mont che ju veve simpri doprâts come mus.
Chel mont che di lôr al veve fat dome cjar di macel, o braçs di vendi par un blanc e par un neri al solit paron.
Di chês gnovis ideis che al jere convint, cussì e contave mê none, gno pari si jere fissât. Guai a cui che i tocjave Lenin, o chel des mostacjis. Ducj i doi ju veve simpri tal cûr e tal cjâf. Oms, che par lui a vevin dade la cjase e il lavôr soredut a la puare int; che pardabon a vevin metudis lis mans tes sachetis di chei masse passûts, fats siôrs cul sudôr di chi altris.
Vere o barete che al fos stade la flabe che i vevin contade, par chest gno pari di zovin al crodeve te vite, tal mont che al vignive indenant. Gno pari al crodeve te sô zoventût.
Bastave dome un un toc di bandiere cuntun fregul di ros par che al tacats a cjantâ. Cjançons che e savevin di tantis sperancis, che contavin de Viertis aromai a puartade di man.
E ancje se la miserie, in chei timps, si taiave sul çoc, di un mont gnûf che si faseve indenant gno pari al jere convint. E cussì, a son ladis lis robis, ancje se no propit cemût che lui lis bramave. Il mont al jere di fat lât indenant e in cualchi maniere si jere un pôc comedât: lavôr e bondance, cualchi an a pene finide la vuere, ‘nd jerin propit par ducj.
Ma di cuant che l’ordenadôr al à tacât a fâ di paron, al somee propit che dut al tornedi indaûr. Lavôr ‘nd pôc e chei pôcs che lavorin, si e no che si cuistin il pan.
I zovins e tornin a fâ lis valîs e a van vie pal mont. E chei pôcs che son siôrs, deventin simpri plui siôrs. Mancje dome che torni la vuere, chê bestie che forsit al è miôr no nomenâle ancje parcè che no masse lontan, tancj e an tornât a tirâ cu lis sclopis.
Se al fos vîf puar gno pari, di sigûr i disarès a gno fi di tornâ su lis monts, in che i pics che ancjemò si visin di chês rossis bandieris, di chês vecjis sperancis
Ma cui sa, se chel frut darà rete a lis sôs santis peraulis? O crôt propit di no. Ai zovins di vuê ur mancjin i siums, no crodin te fuarce de lôr zoventût, intune gnove vierte a puartade di man. Ma cemût podìno crodi? Sin stâts propit no par prins a tradîju, a tradî, lis sperancis di puar gno pari e di chei come lui che pardabon jerin lâts in montagne ancje par lôr.
di Nello Malisano
6 comments On Spietant une gnove Vierte
Nello: soy de los que creen que el llamado "progreso" solo logró que i sorestants sean cada vez mas ricos y que i sotans sean cada vez mas pobres. También creo que en el futuro florecerá une gnove Vierte… seguramente yo no la veré. Mandi, mandi.
Nello, o pensi che ai zovins di vuê no ur mancjin i siums, si derin cont che i ideâi dai nestris vons si forin trasformant in utopiis.
Il mont al è cambiât, l'ordenadôr, chê machine automatiche buine di cumbinâ e di controlâ la logjiche in forme frede e impersonâl e je simpri intes mans di chei cuatri sorestants che nus menaran simpri pal nâs. Biele la conte, ti jude a filâi sore.
Nelo, s'a tu pensis ben, ducj chei che stant a Rome o ben lontan dai pericui, a àn mandât puar to pari e i altris zovins a murî sui monts, a son deventâts sorestants; a àn cjapât ducj i puescj di comant in politiche, te industrie e dulinvie a vuere finide. A no son mighe tant diviers di chei che a mandavin i fruts dal '99 a murî sui monts de Grande Vuere. Ducj i muarts a àn finît di sumiâ, e tal gno mût di pensâ, al mont di vuê, no 'nde cause ch'a mereti di dai la vite. Bepi
Nelo,la conte ae tocjant,ce tant salat il pan da puare int,e pensa che tancj lu strassin. Un biel libri su la vuere partigiane in friul,al'è chel dal proff. Gino Pieri STORIE DI PARTIGIANI edizioni aviani ibs.Al cjacare ancje di un personaç ,TUREL,nomenat di Bepi te conte ICOSACS IN FRIUL. Lussian
Intant graciis a ducj par i preseaments che di sigûr e an fate deventâ la me conte plui bile. Gracie a Oscar e Galiano pes vuestris peraulis e pes vuestris riflessions. Graciis a Bepi che nol mancje di viodi lis robis dal mont cemût che e son par dabon. Ma chest Bepi nol à di faus pierdi la sperance, come che o soi sigûr che tu no tu âs pierdût la fiducie tal Nazaren, ancje se tantis voltis tal so non nd an fatis di cuetis e di crudis. La sperance al è ce che us reste e soredut ce che o auguri a le zoventût. Le stesse sperance che à che int che a ricuardin cu lis nestris contis. Gracie ancje Luciano che nol mancje mai di preseâmi.
Jo o pensi che la societât in fin dai conts e sedi simpri stade dividude in castis… ancje vuê… cui che al sta sul cjaruç e cui che al sburte. Dario Fo dal 74 al cjantave "Noi siamo tutti sulla stessa barca che affonda lentamente… e a noi tocca remare" a noi e non ai sorestanti… /CT