Us pues capitâ, di gnot, butant une voglade al bêç robât che e je la lune, e il barbuç viers lis pontis dai pôi, di vualmâ sgurladis di ombre rapinose. Cagnàs, niblis, çus, civuitis, poanis, barbezuans… Svuai metûts adun par gafâ, disês voaltris. Jo no. Son curiandui tirâts tal scûr: a rodolin, a sbisiin, a smalitin, a son tarlupulis su arcs tirâts jenfri bave e frascje: gjostre par scurôrs, rivocs di vôs, presentiments.
di Raffaele Serafini
Contis dal Ostîr
5 comments On Sgurladis e tarlupulis
Robis che dome i poetis cui lôr voi di gnotui a puedin viodi. Bepi
Sclesis di poesie: un miracul de scriture. Biele e graciis al scritôr.
Par dabon ė tocje il cûr.
Nello Malisano
Biele e ben sestade.Ae simpri la gnot a fa di moltiplicator aes sensasions umanes, e sa meti in sintonie le anime sul cur. Lussian
Un preseament al ostîr par cheste biele imagjine di une sintesi che cjale a la essenzialitât.
orpo! tancj preseaments. Graciis! e graciis a chei de Comunge che a àn vût coraç di publicâ robis cussì 🙂