Vôs de Basse in cuatri e cuatri vot

Vôs de Basse al torne in cuatri e cuatri vot! O vin pensât di… dâ i numars di chest concors leterari in lenghe furlane che o vin simpri supuartât fin de prime edizion. Duncje veju ca i numars de Vôs de Basse!

CUATRI a son lis sezions dal concors: narative (contis curtis e tescj teatrâi), poesie, traduzion e students de scuele primarie.

VOT a son lis edizions dal premi, e noaltris si visìn ancje des edizions passadis, dulà che chei di Contecurte a son stâts presints no dome tai premiâts ma ancje vistûts di ninja furlans…

• Premiazion de seste edizion Contecurte la Vôs de Basse
• Premiazion de tierce edizion Vôs de basse – Lis premiazions
• Premiazion de prime edizion Vôs de Basse – Premiazions
• Spetacul cu lis contis des primis edizions Ce contino te Basse

E o podìn dâ ancjemò cualchi numar, par esempli DOI che a son i volums publicâts cu lis oparis des edizions passadis:

• Vôs de Basse I – oparis des edizions prime, seconde e tierce
• Vôs de Basse II – oparis des edizions cuarte, cuinte e seste

E ancje VINCJESÎS parcè che propit ai 26 di Zenâr dal 2026 e je la scjadince par consegnâ lis oparis.

Il concors al è organizât dal Sportel pe lenghe furlane de Basse. No us reste altri che lâ di corse sul sît de Villa Dora a lei il bant e a discjamâ il modul par partecipâ www.villadorasgn.it/concorso-vos-de-basse/

E visaitsi che fin ai 30 di Setembar o sês ancjemò in timp par partecipâ al Premio Richinvelda.

1 comment