ScueleCurte_Gjinastiche10: Rievocazions storiche de corse cu lis bighis, Aquilee 1994

La none e je muarte il mês passât e cumò e je ore di tacâ chel rituâl sinistri che al è fâ cartons, cartonuts e scjatulis di scarpis plenis di botons, par meti vie dut, butâ vie il plui e regalâ alc.
Il nono, une volte lât in pension, al veve fat par cualchi an un tic di dut, lavoruts par sè e par altris e al veve ingrumât une sglavinade di imprescjs, sedi a man che eletrics o a batarie. Clâfs, menevîts, tanais, pampagal, flex, splane e vie indevant. In sufite al è plen di cartons cun imprescj ma un carton a mi clame il voli… suntun toc di nastri di cjarte une scrite: “videocassetis de rievocazion storiche de corse cu lis bighis, Aquilee 1994” ma dentri un invidadôr e un seghet alternatîf cun doi stranis conetôrs, masse grancj, come par impirâ alc di grues e… siet o vot bighis di gome, e no bighis di gome come modelins des bighis romanis, ma bighis di gome di plantâ tai imprescj a batarie  par dopo fâiu sgurlâ dulà che nol bat mai il soreli…
Ancje jo par no fâmi becâ o scrivevi tes cassetis porno tai agns ‘90 “RALLY” ma de none propit no mi spietavi une robe cussì sporcje! Ce fasevie la none dopo vecje? Vevie cualchi business o cirivie dome di fâ un pocje di fieste di bessole? E se invezit e ves…

Insome… Bighis, corsis, imprescj, cjavâi e cjavalis… une vore di ispirazions par cui che al vûl sielzi come materie la Gjinastiche

Materie: Gjinastiche
Mês: Otubar
Prof. R. Z.

1 comment