Ce contino te Basse

Prissinins ai 11 di Novembar dal 2019
Centri Civic di Prissinins

Chei dal sportel furlan de basse (Cjarlins, Gonârs, Muçane, Porpêt, Prissinins e San Zorç di Noiâr) nus àn invidâts a fâ un pôc di reclam al concors Vôs de Basse 2019 par contis curtis e poesiis e noaltris no si sin fats preâ. Cun la companie musicâl des dôs ConFusion (che nus à robât la Massarie), l’Ostîr, il Famei e la Coghe, judâts de poie tecniche de Sartore a àn metût adun une serade di leturis a mieze strade jenfri une competizion e une fevelade su la narative curte.

E cussì lis trê contis finalistis des primis dôs edizions a son stadis letis al public che al à podût sielzi cuale che i plaseve di plui, rivant adore a voltâ l’ordin sielzût de jurie dal concors. Plui di cualchi conte la podês lei ancje achì su la nestre osterie: ven a stai chês dal Ostîr, di Gianluca Franco e di Alessandro De Pauli. Dilunc la serade e je stade ancje la consegne dai atestâts dal cors di furlan inmaneât a Prissinins de nestre Coghe e a la fin un biel ghiringhel che al metût ducj dacuardi.

Riferiments

Scrîf un coment

This site uses Akismet to reduce spam. Learn how your comment data is processed.

Pît di pagjine dal sît