La Briscule des Striis

Flambri ai 15 di Setembar dal 2019
Mulin di Tilio (Mulin Braide)

E ven dongje sere e o sin in sierade di stagjon. Pôcs lu san, ma cuant che l’ultin cjamp di blave al ven batût e l’ultin rap di ûe vendemât, in cualchi lûc de basse, dongje di cualchi aghe, o magari di un mulin vieri come chel di Flambri, lis striis a si dan dongje par zuiâ di cjartis! A son lis striis che a paronin il Friûl, che cun contis di ogni sorte a si contindin il domini par la stagjon che e à di vignî.

Une piçule besteute (l’Ostîr), no si sa cemût, al à vût la fortune di assisti a cheste briscule incredibile e nus conte cui che al jere e alc di ce che al è stât contât. E alore ve li, la Strie dal Lavôr (il Famei) che al zuie cjartis di imprescj e al conte storiis di fature. La strie des Creaturis (la Massarie) a jemple lis sôs contis di bestiis. La Strie dal Dulà (la Coghe), compagnade de Striute dal Vuê (Agnul) e conte dal lûcs dal Friûl e di cemût che a cambin. E a la fin, la Strie de Sotanance (il Berlon), simpri cjare ai furlans, e rive cu lis sôs storiis picininis o grandononis.

E intant che i Orcui, di fûr, a berghelin e sighin, la Strie de Fature e cor su e jù documentant la partide. Cui al vinçaraie? No si sa, ma lis storiis che nus àn contadis a son restadis e si puedin lei sul librut metût adun di pueste pe serade, che come simpri e je la de a finîle cuntun ghiringhel che a fuarce di polpetis cul sclopit e fertaiis di urtiçons a àn bonât ogni malizie e ogni striament.

In gracie dal Patrocini dal Comun di Talmassons e de poie de Associazion pe gjestione dal Mulin Braide, ve chi un dai events plui divertents e ben jessûts che o vin inmaneât, doprant lis cjartis par scrivi storiis di Contecurte!

Riferiments

• La gnove su la osterie
• La cronache dal spetacul
• La Briscule des Striis live