Skip to content

Menu

  • Prime Pagjine
  • La Ostarie
  • Chei di Contecurte
  • Contis
    • Contis di scoltâ
  • In cjar e vues
  • Lenghe Furlane
    • Ator pes peraulis
    • Cemût si disial?
    • Cemût si zuial?
    • Cjançoncurte
    • Conte Misteriose
    • Contis Cence Cjâf
    • Ecumène
    • Ispirazions
    • Lets in Ostarie
    • Partidis di Discors
  • Contecurtârs
  • CorseCurte

Copyright Contecurte 2026 | Theme by ThemeinProgress | Proudly powered by WordPress

Contecurte
  • Prime Pagjine
  • La Ostarie
  • Chei di Contecurte
  • Contis
    • Contis di scoltâ
  • In cjar e vues
  • Lenghe Furlane
    • Ator pes peraulis
    • Cemût si disial?
    • Cemût si zuial?
    • Cjançoncurte
    • Conte Misteriose
    • Contis Cence Cjâf
    • Ecumène
    • Ispirazions
    • Lets in Ostarie
    • Partidis di Discors
  • Contecurtârs
  • CorseCurte
7 di Jugn dal 2013

Contecurte gnove!

Gnovis

Mandi, mandi, mandi e benvignûts!

Induvinait? Cheste e je la gnove Contecurte!

O soi simpri jo, che us stoi cjacarant, l’Ostîr Raffaele, e cirarai di stâ une vore pôc a dîus ce che a mostrâus la gnove Ostarie.

Tant par scomençâ e je cambiade la direzion dal blog, la gnove direzion e je contecurtegnove.blogspot.it

Ma no stêt vê pôre: dut ce che al jere su la osterie viere al è stât puartât in cheste. Anzit, o ai recuperât ancje cualchi post vieri dal camarîr che prime nol jere…

Disarès che o cumò si podin disementeâ dal blog di prin, che ca di un pôc al vignarâ scancelât.

O ai sielt di meti la gnove Contecurte parsore dal gno profîl gmail par che no rivavi adore a inzornale, e si come intal ultin an la gjestion le ai fate di bessôl mi pareve just, tornant a vierzi la Ostarie, cirî di stâi un pôc plui daûr, inzornale e comentâ plui di spes e lei la pueste eletroniche ogni dì, come che o fâs par chei altris blogs.

A par chest, nol je cambiât nuie: la Ostarie e reste ce che si dîs inte pagjine des indicazions di fonde. E je deventade, forsit, un pôc plui personâl, parcè che almancul, mi soi dit, o dopri il timp par tignile inpins par sparniçâ lis mês contis e i miei altris progjets, pur lant indevant a considerâ Contecurte come un blog coletîf, fat di colaborazions. O podês cjatâ dut inte pagjine dal Ostîr.

Par ce che al vanze, la pagjine dai Contecurtârs e je simpri la prime e i vins che o tignin daûr dal bancon a son simpri lis Contis Curtis.

O podês tornâ a mandâlis cuant che o vês voie, anzit… mi pararès une biele maniere di fâmi capî che la gnove vierzidure e je preseade.E come che o viodês chi sot, o ai za començât cu lis contis gnovis:

no dome dôs dal Ostîr e chês fates cui fruts di Buri chest àn e di Faedis l’an passât, ma ancje un contecurtâr che al je il plui preseât, in Regjon, dai ultins agns, jessint che al à vint i ultins doi Sant Simons: Franco Marchetta… e lu ringraci daûrman par il sostegn dât a cheste gnove vierzidure!

Cun di plui, come che o vês za viodût, mi soi fat judâ di une programatrice profesioniste, Michela Zangarelli di Code Monkey, e di un grafic, Gian De Steja, a meti adun la gnove mobilie, e no pues dîs che graciis ancje a lôr, che a àn lavorât di rive jù, par plasê di amicizie.

A mi, il blog, mi plâs une vore, o speri ancje a voaltris.

O ai metude adun la pagjine dai stuzighets, dulà che o podês cjatâ sedi chei vieris,

come Ecumène e lis contis misteriosis, e dulâ che a son bielzâ gnovis ideis par altris rubrichis e une e je bielzà pronte: Cemût si zuial? Un viaç tai zûcs di une volte, ma cui fruts di cumò,

un viaç che o ai decidût di fâ sfrutant il regâl di Marcello Marangone

e des sôs fotografiis: speri che a puedin jessi magari di ispirazion a cualchi contecurtâr,

e in ogni câs jo la cjati une rubriche une vore biele.

Podopo, e par sierâ, us dîs che o ai lassât la pagjine dai events e leturis,

vûstu parcè che ’nt vin fatis tantis, i agns indaûr, vustu parcè che magari ’nt fasarìn altris.

Anzit… Contecurte, za doman, e je tra i “sponsor” che a àn metût inpins l’incuintri di doman, sabiti ai 8 di Jugn, aes 17.30 a Glemone, inte cornîs di Elementi Sotterranei, dulà che al sarà ancje un laboratori che o tignarai su la narative curte, cun leturis di contis par talian, inglês… e ancje par furlan!

Par sierà, la pagjine dai imprescj, tornade a insiorâ e meti a puest, cun zontis e mioraments, che e larà indenant ancje cu lis rubrichis dal Cemût si disial.

Benon, mi pâr dut! Voaltris? Ce us parial?

Doprait pur chest post di coments par ducj i conseis e lis indicazions che us vegnin tal cjâf e che o volês dîmi. Se o sês di chei che a no comentin, podês dînus di vê let alcu fracant sul boton sot di ogni post. O sai bielzâ che a son ancjemò des falopis informatichis (imagjinis che no si viodin, titoi di comedâ, cualchi leam che al è “rot”…) Ben po, se o vês voie di mandâmi una mail (la direzion di pueste e je simpri chê, la metarai in prime pagjine ca di un pôc) e dîmi dut ce che al è di comedâ, o soi content. Planc a planc a si metarin a puest, ma intant voaltris sparniçait cheste vierzidure ator par dut e…

BENVIGNÛTS 
INTE CONTECURTE GNOVE!!!

18 comments

  • Frank Spada has written: 7 di Jugn dal 2013 at 3:39 DM Reply

    Biele?
    Calme zovinastros e fantacjutis:

    1) Se uè al'è il siet… nie di strani.

    2) Se l'Ostir a l'è Raffaele (Serafin di une bande e glaciat stelat di un'atre – cence dì di trops argagns al drece su te ret… scusait, mi torne mior doprà il talian) mi pare più che giusto perché, secondo me, è altrettanto vero che si è dato un gran da fare fin da sempre, e più che spesso senza aiuto.

    3) Noto, comunque sia, che gli stacchi periodali del post introduttivo sono esattamente sette (coincidenti con i giorni della datazione) – e questo lo ritengo più che strano, misterioso e fattucchiero.

    4) Ora leggete e scorrete manvolentemente bene tutti i link che troverete – stupefatti? – io sì, e assai perché non solo ha rinnovato immagini e aggiornato cose, ma ha chiesto e avuto l'assistenza di Michela Zangarelli, una persona tosta e plurinformata in powered speciale, il che garantirà a la Gnove Contecurte una vita ubriacona di allegria e racconti, di appendici e note, di ricche notiziole ecc. ecc. tanto che ne parlerà anche Filipon, salendo in mongolfiera sul balon.

    5)… ancora due e ci siamo.

    6)… meno uno:

    SETTE, e lode fino a mille, con l'augurio che con l'andar del tempo il tavolato in vista batta il tacco e suoni l'armonica dell'amicizia nel… << una caraffa al tavolo, per piacere >> (chissà chi sarà il primo a ordinare)<< arrivo subito>> (l'Ostir)

    Mandi a tutti e un brindisi speciale a Michela Z.

  • gelo has written: 7 di Jugn dal 2013 at 5:20 DM Reply

    Ma… ce robis! siet… tu âs reson
    e pensâ che o ai metût lis datis a câs, mica contant siet a siet… ce misterîs 🙂
    E grazie par i auguris, ancje se mi pâr che achì, cumò, tu sês dome tu, come simpatizant de Osterie… ma incressarin il public! 🙂
    Tu però no stâ scrivimi par inglês eh, si no mi rivin dongje ducj che che a comentin par inglês come di chê altre bande 😀
    Bon!
    O soi content che ti plâs!
    E vie par une gnove aventure!

  • michela has written: 7 di Jugn dal 2013 at 7:10 DM Reply

    Finalmente aperta! Bella l'osteria, se capissi qualche parola sarebbe anche meglio 🙂

  • Galliano has written: 7 di Jugn dal 2013 at 7:47 DM Reply

    Raffaele,
    Prin di dut auguris anzit augurons pe gnove presentazion editoriâl di Contecurte. no ai vût ancjemò il timp materiâl di preseâ i contignûts di dutis lis etichetis. Cheste gnove vieste mi par interessant pal fat che oltri a lis tradizionâls contis curtis si viôt altris stuzighins par meti in savôr lis buinis leturis.
    O ai une robe di fâ presint. Par chei che o vin bisugne dai ocjai, il colôr dal test al varès di sei un pôc plui cjariât, par no fâ fadie a lei.

    Un salût,
    Galliano

  • Frank Spada has written: 8 di Jugn dal 2013 at 6:02 PDM Reply

    Vive Michela, intant!

    "O ai une robe di fâ presint. Par chei che o vin bisugne dai ocjai, il colôr dal test al varès di sei un pôc plui cjariât, par no fâ fadie a lei."
    Bondì Galliano – o concordi in plen cul to virgoletat – Ostir, par plasè… no dome il color… ancje il Tipo e il formato del carattere (plui grant, plui… grant!)

    Par cumò dut chì.
    Mandi balarins.

  • gelo has written: 8 di Jugn dal 2013 at 7:25 PDM Reply

    porco can! e jo che o vevi voie di meti un layout zovin ma cirî di cjapâ sù un pocje di zoventût di chê in etât cul voli bon… 😀
    nie di fâ! la leterature, aromai, e je robe dome par vielis 🙂

    pobon… viodarìn di contentâus 🙂

  • Frank Spada has written: 8 di Jugn dal 2013 at 5:16 DM Reply

    altolà! chì nissun a l'è un… doi, fasin abbecederiats, al massim, ma leterats… ma se o sin a sta in tune cjase di ripos e tu… brizolat e ancjemò voe di balà? ma va là!
    dutcas buine domenie a la congreghe, spietant che si tirin su dai cadregonns 🙂

  • Galliano has written: 8 di Jugn dal 2013 at 6:49 DM Reply

    Brâf Frank, prin di dut mi par ben chel di clamâ… lis robis pal so non, par altri "abecedariats"… al è bielzà in ogni câs alc di tignî di cont. Jo no sai se la leterature e je dome par i vielis: no saraial che dome i vielis o scrivin par furlan? Vonde cjacaris e buine domenie ai scjalde cjadreons e ancje a chei altris.
    Maman,
    Galliano

  • Anonimo has written: 8 di Jugn dal 2013 at 7:59 DM Reply

    Ce fieste!
    Bentornate Contecurte!
    Rossella

  • gelo has written: 9 di Jugn dal 2013 at 4:35 PDM Reply

    Disin che dî che dome i vielis a scrivin par furlan cuant che o ai pene metudis ben cuatri contis scritis par furlan dai fruts des mediis, no je tant biel… mi sa che nissun lis à cjaladis 🙁
    In ogni câs, par ingrandî il caratar, nol covente l'Ostîr, al baste sclizzâ "Ctrl" e "+" su la vuestre tastiere, come in ducj i sîts interne 😉

  • gelo has written: 9 di Jugn dal 2013 at 10:22 PDM Reply

    trancuil, pene che o torne la grafiche… o fasin ancje l'ingrandiment 🙂

  • Anonimo has written: 9 di Jugn dal 2013 at 10:43 PDM Reply

    Gelat di un Gelat che tu ses une furberie daur che atre, disint che Frank Spada Google+ a la scuviart che chel stelat a l'è une canae, po' dopo che Ctrl+ al lasse tal e qual "il colôr dal test (che) al varès di sei un pôc (tant di) plui cjariât, e in somp, tant par finile par vie che la domenie e scurte i dets, che… che… mandi Galliano.

  • Anonimo has written: 11 di Jugn dal 2013 at 5:34 DM Reply

    CURIOSITAT
    Pecjat che no si rivedi savè trops ca son ogni dì i visitators di contecurte.

  • gelo has written: 11 di Jugn dal 2013 at 6:59 DM Reply

    praticamentri nissun, par cumò, 🙂
    ma planc a planc o cumbinin di meti dut, subit ancje il contatôr dai aces. graciis par vê visât!

  • Frank Spada has written: 23 di Novembar dal 2013 at 7:01 DM Reply

    Di mandi in mandi, preseant che no soi iscrit a Fb, ni a Twitt, e che no soi muart… Mandi, furlanadors de furlanie, Mandi e vie.

  • Anonimo has written: 24 di Novembar dal 2013 at 7:04 DM Reply

    Mandi Frank. Dut ben? e se non si sintin buines festis
    Nelodifeagne

  • Anonimo has written: 15 di Fevrâr dal 2014 at 7:03 PDM Reply

    O rivi, in ritart, ma o rivi. O crôt che chiste vierzidure a mi é passade sot dal nâs par vie chi soi masse ocupât ma al sarès util di pensâ a fâ une newsletter ogni volte che tal blog a 'nd è alc da savê, da condividi o da lei di gnûf. Chest al judares a mantignî il contat ancje cun chei che son simpri ocupâts.
    Di fat, jo o crodevi che le ostarie a jere sierade par vie di mancjance di vin. Alore benvignûts a vualtris e a ducj chei che passin achenti par bevi un tai in companie.
    Jaio

  • gelo has written: 15 di Fevrâr dal 2014 at 10:14 PDM Reply

    benon! si podeve za fa, ce che tu disis, jessin che si pues ricevi i inzornaments di blogger, ma cumò o ai metût il boton di pueste, jessint che al baste meti la mail in "corinus daûr di pueste" e si ricêf la mail a ogni inzornament.

Lasse une rispueste Cancele rispueste

La tô direzion di pueste eletroniche no sarà publicade. I cjamps domandâts a son segnâts tant che *

This site uses Akismet to reduce spam. Learn how your comment data is processed.

Libris

Tu Scrivarâs une Conte
La Stagjon des Contis
Cuviertine dal libri Lis Contis dal Mês
Lis Contis dal Mês

Scrivinus a contecurte[at]gmail.com

Jentre te Liste di Contecurte

I tiei dâts a saran mantignûts privâts e no saran condividûts cun altris. A saran doprâts dome par mandâti lis novitâts di Contecurte.

Cjale la tô casele di pueste (se al covente viôt ancje te cartele spam) par confermâ la iscrizion. Cence conferme no podin mandâti nissun messaç.

Dutis lis contis

Ultins coments

  1. Renzo Ciutto on CC26Novembar#09 – Internascional18 di Novembar dal 2026

    In chê volte il furlan al ere ancjmò doprât avonde e si podeve doprâ la lenghe ancje par la musiche,…

  2. Renzo Ciutto on CC26Novembar#09 – Internascional18 di Novembar dal 2026

    In chê volte il furlan al ere ancjmò doprât avonde e si podeve doprâ la lenghe ancje par la musiche,…

  3. Anonim on CC26Novembar#09 – Internascional18 di Novembar dal 2026

    In chê volte il furlan al ere ancjmò doprât avonde e si podeve doprâ la lenghe ancje par la musiche,…

A son passâts pe Ostarie

Adelmo Della Bianca Alessandro Valoppi Alessia Meacci Alessio Ecoretti Angelo Floramo Barbara Battel Bepi Zefon Carli Pup Cecilia Liva Checo Tam Christian Romanini cjadenedicontecurte Covidcurte Day Cristina degli Uomini Davide Peressoni Di Suald DoneBete Dree Venier Eduart Baschera Egle Taverna El Fari Eline Enrico Tomasi Eowin Fantacorsecurte Ferdinando Passone Francesca Giorgetti Franco Marchetta Franco Vigo Frank Spada Fuguline Fulvio Romanin Gaetan Cogôi Galliano di Buenos Aires Gianfranco Pellegrini Gianluca Franco Giuliana Pellegrini Guido Covàs Isa Dorigo Ivano Urli Jacum Tiburzi Jacum Trevisan Jaio Furlanâr Javier Moscufo L'Antescûr Laura Dri Laurin Zuan Nardin Lenart Gjavedon Leonore Lorele la Morete Luche Bagnarol Luciano Marinig Lupo Manarie Maghe Olstrele Marcello Marangone Marcelo Del Mestre Margarite Cogôi Maria Veronica Moscufo Mario Facile Marisa Gregoris Mariute Massim Furlan Massimilian Glîr Maurizio Di Fant Maurizio Mattiuzza Michele Vuardianut Calligaris Michêl Londar Milio dai cjans Nello Malisano Nene Furlane Noemi Salva Norma Romotowski O. Zete Pablo Gortan Passadôr Patrizia Torossi Pauli Fantini Pauli Jacuz Pieri Moràs Pierina Gallina Plume di Ingjustri Rafaêl Serafin Renzo Brollo Renzo Turùs Ricardo Gregoretti Ricart Tiburzi Rudy Citòs Sandri Carrozzo Scoltecurte Silva Ganzitti Spirt Anonim Stefano Gasti Stefano Lombardi Stiefin Asquini Stiefin Morat Stiefin Stefanut Stralunade Tiziana Novello Tommaso Pascolo Zorz Cesaratto

Gjenars di Contis

  • Gjenar di orôr
  • Gjenar Dramatic
  • Gjenar erotic
  • Gjenar fantasience
  • Gjenar fantastic
  • Gjenar ironic
  • Gjenar neri
  • Gjenar Par Fruts
  • Gjenar poetic
  • Gjenar politic
  • Gjenar poliziesc
  • Gjenar romantic
  • Gjenar sientific
  • Gjenar sociâl
  • Gjenar storic
  • Gjenar sureâl
  • Gjenar zâl

Amîs de Ostarie

  • Centri Lidrîs Furlanis
  • Comitât 482
  • Comitât Friûl
  • Divine Comedie par furlan
  • Dizionari Biografic dai furlans
  • Gnognosaurs
  • Internazionalitari
  • Leturis di ca da l’aghe
  • Lidrîs e Butui
  • Sociedad Friulana Buenos Aires
  • Sorestans e Sotans
  • Tiere dai Paris

Radio Onde Furlane

Par donâ il 5x1000 a Onde Furlane al baste meti
il codiç 02650850304 cuant che si compile la
declarazion dai redits.

Avertence

Chest sît, jessint inzornât cence nissune periodicitât, nol pues jessi intindût come un prodot editoriâl, intal sens de leç n. 62/2001.

Lis imagjinis publicadis a son cjoltis dal web, furnidis dai utents o de inteligjence artificjâl e a son stadis judicadis di domini public. Ducj chei che a podin svantâ dirits su di lôr e a vessin voie di fâlis gjavâ, a podin scrivi ae nestre direzion di pueste.

Prime di mandânus une conte us invidìn a lei la pagjine dai conseis.

Copyright Contecurte 2026 | Theme by ThemeinProgress | Proudly powered by WordPress