Ondecurte

Radio Onde Furlane, Avrîl dal 2012

Ondefurlane e je une realtât che nus è stade dongje fintremai des primis nestris publicazions e leturis. Nus à simpri sparniçât il verp des contis curtis e cun chest an, intun progjet metût adun cu la direzion artistiche dal Ostîr insieme cun Carli Pup, o vin propite maridât scriture di contis e leture radiofoniche.

Il progjet nol podeve che clamâsi Ondecurte e al à viodût la sielte di une schirie di contis di podê lei in radio, pescjant jenfri chês dai prins doi agns de Ostarie. O vin sieltis contis di ogni gjenar e lungjece, e cuatri letôrs par interpretalis: Aida Talliente, Barbara Minen, il Famei Checo Tam e l’Ostîr, Rafaêl Serafin. Lis contis a passavin in radio tant che une striche lungje tor i cinc minûts, une sigle di jentrade plui la leture. Al pues jessi che si puedin ancjemò scoltâ, ogni tant, ripescjadis dai archivis de radio. Ma se o sês curiôs di savê cualis contis che a fasevin part dal progjet, velu chi il librut digjitâl di Ondecurte!

Riferiments

• La gnove su la ostarie