Conte che ti conti… sot spirt

O vin ancje une altre piçule gnove che e rivuarde Ostîr, Coghe e i spirts che a van a finîle tes contis. Ma anìn par ordin…

Un biel pôcs di agns indaûr il nestri Ostîr al scriveve libris. E un di chescj al jere un libri pensât tant che libri di narative par lis scuelis superiôrs. Si clamave “Contis sot spirt” e al veve dentri dîs contis, di Setembar fin a Jugn, che a viodevin tant che protagjoniscj i furlans che a àn dât il non une grampe di scuelis superiôrs de provincie di Udin. No us spiin cui, par no gjavâus il gust di lâ a lei il libri, ma soredut di lâ a scoltâ il gnûf prodot che Radio Rai Friûl Vignesie Julie e sta metint in onde.

In gracie de colaborazion de SFF e dal lavôr di revision de coghe, Serena Fogolini, lis dîs contis a son stadis metudis adun par jessi letis e deventâ un podcast. Massimo Somaglino, al à fat un lavoron e al pâr che, dopo vê scoltât lis primis dôs pontadis, che o podês cjatâ za sul sît di rai play sound. Min e Jacòp, il nestri Ostîr al fos une vore content e sodisfat. Vignudis benon! al à dit.

Il progjet al è Conte che ti conti, e a vignaràn altri 8 puntadis, la sabide… Tigneit di voli le radio.

1 comment