Stin dongje ae Patrie

Ben po, lu savin… no vin metût adun tancj spetacui, chest an, ma si sa che la CorseCurte24 e je za un robe gruesse e in sumis… nus regale une biele grampade di contis ogni mês.

Ma chest nol vûl dì che o stin fers. Ogni tant alc o fasin, ancje se a dîle dut, fin cumò no vin fat nuie, ma la Coghe e à dite che usgnot si met a lavorâ e alc al saltarà fûr… Si starês domandant di ce che o fevelin. O forsit ancje no, stant che o vês za let il titul e cjalât la locandine.

E alore fasinle curte, come simpri. Domenie ai 13 di Otubar, tal daspò misdì, des 3 a 5, l’Ostîr e la Coghe a son – forsit, cu chei li no si sa mai – a Vilecjaze, li dai Colonos, framieç di une vore di altre biele int e ancej di une biele grampe di chei di ConteCurte. A sarà musiche, spetacui, cjacaris e magari viodarin di fâ alc ancje no. Ma l’impuartant al è jessi, juste par dâi une man al gjornâl furlan plui furlan dai gjornâi furlans.

Us spietìn ducj a STIN DONGJE A LA PATRIE!

1 comment