Cryptofriûl al Kursaal di Lignan

Ve ca! Une gnove che e rivuarde il nestri Ostîr, che ogni tant cualchidun lu vise che al à ancje scrit dai libris e che bisugnarès ancje puartâju ator. In chest câs al è stât Renzo (Ciutto) che al à pensât ben di tirâlu dentri inte rassegne “Un libro… un caffè” che par dute la stagjon di Istât, li de terace dal Kursaal di Lignan Pinete, la domenie matine, e fevele di libri di ogni sorte.

E domenie cheste, ai 30 di Jugn di chest 2024, aes 11 di matine, il nestri Ostîr al sarà al Kursaal di Lignan – unic libri par furlan de rassegne –  a fevelâ dal so Cryptofriûl, libri vincidôr dal Premi San Simon  20vincjecjapilu e a rispuindi a lis domandis di Renzo, che dal sigûr a tiraran dentri un pôc di dut.

Achi o podês lei alc de Rassegne e dai apontaments e a ca o podês scjamâ dute la locandine interie, con ducj i libris presentâts in chel di Lignan.

E nus tocje ancje dâi coraç al Ostîr, che insome… propit di domenie matine, in plene stagjon, tal dilembo lignanês, nol è mighe tant convint di saltâ fûr vîf…

1 comment