Glemone ai 8 di Dicembar dal 2019
Sagre di Sante Lussie
E rive Sante Lussie e il so mussut (l’Ostîr), inte zornade de fieste de Madone, nus spie di une partide di cjartis che a fasin i Sants, subit dopo la messe, par sviâsi un pôc. Une briscule che si zuie cu lis cjartisantis, che ogni volte che un Sant al zuie une, ve li che al à di contâ un storie. La miôr e vinç la man.
E cussì Sante Lussie (la Coghe cul so Agnul), Sante Eugjenie (la Massarie), San Stiefin (il Famei) e San Silvestri (il Berlon) a nus contin lis lôr storiis, intant che Sante Vitorie (la Sartore) e San Delfin (il Cramâr) a torzeonin ator di lôr. E storiis di contâ ’nd è une vore, parcè che si sa che ogni volte che un Sant al ven nomenât, al ven a savê di chê vicende.
Cui ajal vinçût? No si sa, parcè che cu la ultime conte il mussut al è scjampât vie, puartantsi vie ducj i Sants e dutis lis storiis. Ma par fortune si puedin cjatâ dutis tal librut che Sante Vitorie e veve metût adun pe serade!
Riferiments
