Discorint par furlan

Google Meet, ai 20 di Fevrâr dal 2021
Fogolâr Furlan di Buenos Aires

Se al è un grop che di simpri al à tignût di cont la nestre Ostarie al è chel dai furlans di Buenos Aires che al è pardabon une vore atîf e che al à sburtât tancj dai siei arlêfs a scrivi contis par furlan e a vignî a cjatânus.

Par chel al è stât un gust, par l’Ostîr, partecipâ a une des lôr iniziativis che a inmanein ogni setemane che si clame “Discorint par furlan”, hablar, escuchar e debatir par furlan. E forsit, ancje se nol sarà magari un vêr event, e je sigure une serade di ricuardâ, par la vivarositât de int convolzude e par lis ridadis che si son dadis dongje.

Fra i escuchadôrs argjentins, in bande dai parons di cjase dal fogolâr (e Eduart Baschera al è un dai prins nestris contecurtârs di là de aghe grande), a son saltâts fûr altris resints, come Zorç Cesaratto, Cecilia Liva, Anute Lenarduzzi, Lenart Gjavedon, Cristina degli Uomini.

Si è fevelât de colonizazion furlane in Argjentine, scuvierzint che no je Colonia Caroja la prime; si è fevelât furlan cul acient sudamerecan, e si è cognossût un cusin dal Ostîr che al è a stâ a Baires. Tal articul su la Ostarie o cjatâis ancje un tocut viedo de serade e chi sot une conte inedite dal Ostîr che e je stade publicade su la riviste digjitâl dal Fogolâr di Buenos Aires.

Riferiments

• Articul di croniche de serade
• Leam ae pagjine fb dal Fogolâr