Adiriture! Ben po, graciis! Ma da rest, cuntune cjante come La canzone di Tom, no podeve no vignî fûr che…
Mi ven di reading cun l’ostîr
Us segnalìn che il vuestri Ostîr al va ator a sparniçâ il verp de Ostarie e des Contis.
Dopo jessi stât a Tumieç, cualchi timp fa, in gracie dal lavôr che e stâ fasint la organizazion dal Premi Sant Simon, soredut di di Carlo Tolazzi e Walter Tomada, ve chi un altri apontament cun il lavôr che al è jentrât inte schirie dai finaliscj inte edizion dal Premi dal an passât, par cjacarâ di narative, di contis, di furlan e di ce che al ven.
Cun di plui, se cualchidun al à voie di jessi stiçât a savent di plui, ve chi che o podês cjatâ il bant di Concors par chest an (scjadince 30 di Jugn), e ve chi che o podês lei Anin, une conte che e fâs part di chel lavôr, Spieli cence bramis, une altre, e ancje Gusto, une altre conte, che no je di su cheste Ostarie, ma che la cjatais sul Salvadeat, il blog par furlan dal vuestri Ostîr.
E viodeit di plasê la nestre pagjine dal muselibri, se no lu vês inmò fat.
E sicome o seis de Ostarie, ven a stâi, di famee, us lassi ancje, par gust, il dissen che al faseve di spali par peâ dutis lis contis di famee dal progjet… la mê acuile gjenealogjiche.
2 comments
Lasse une rispueste
Dutis lis contis
Gelo, fasinus reading ancje noaltris, continus cemût ch'a je lade, Bepi
e tu âs reson!
Si che duncje, serade plui che plasevule e cun public no cate la partide dal real madrid, che pûr trop al ancje pierdût – e powered de idee di clamâ dongje i frutats de bante di otons di cjarlins. Cussì, denant framieç e daûr des leturis di Tolazzi e de interviste cun Tomada, o ai vût plasê di scoltâ chescj zovenots, che cun di plui, al pâr, a son stâts ancje a sintî lis contis. (di li a vêju su come sostenidôrs di facebook o come visitadîôrs de ostarie mi pâr che no sin rivâts, ma par chel cont, o ai podût viodi che il sostegn no lu dan nancje chei che a varessin interes a)
podopo.
Su cemût che e sedi stade la serade, no sai, ma mi pâr che si è stiçât a scrivi par furlan, e chest al è ben!