FIERE DE EDITORIE FURLANE

Duncje… O vin gust di pandi une gnove che e rive in chest fin setemane, che al è propite un sabide e domenie plen di musiche e leterature che e zire ator dal furlan e dal Friûl.

Di une bande, come che o savês, al è SUNS, il festival musicâl di lenghis minoritariis, cun ducj i siei apontaments che i zirin ator. Ma in bande di chel, intun discors di culture che e va vie vie discomparint e culture leterarie che anche chê, par ce che al rivuarde cui che al lei par furlan, e je simpri plui smavide, ve che al rive EDITORI IN VILLA.

O cjacarìn de fieste de editorie furlane, fate des cjasis editoris dal Friûl, dulà che, noaltris, o sin une vore coinvolzûts par vie che tancj dai nestris contecurtârs a àn libris edits de KappaVu, che plui voltis nus à pupilât e judât intes nestri iniziativis. Libris come chei dal Checo, dal Ostîr, di Gianfranco Pellegrini, e in gjenerâl ducj chei jessûts pe golaine de Comugne a si podaran cjatâ a Manzan, jenfri tancj altris, ai 10 e 11 di Otubar.

Us lassìn ca sot la locandine cun ducj i apontaments, e us disìn ancje che al è pene jessût un lirbi gnûf di Gianfranco Pellegrini, ma di chel… us contarìn!