Lets in Ostarie:
DISVUEDANT IL SCANSEL
di Checo Tam
Ce libri isal?
Un dai libris de golaine La Comugne, de Kappa vu, di 180 pagjinis, cuntun 20 contis curtis e la postfazion di Pauli Cantarut.
Cui isal l’autôr?
Il nestri famei Checo Tam, che si lu pues scoltâ su radio onde furlane aes 9 ogni sabide di sere e che di lui si pues lei une vorone di contis su cheste ostarie. Finalist plui voltis al San Simon, che al à ancje vinçût. Al à scrit un vore di contis ancje pe comugne, radiodramas e dispes lu cjatais a lei inta lis scorsenadis dal OStîr.
Ce isal dentri, di precîs?
Lis contis cjatadis intun cjast, intun vecjo scrin sierât a clâf. Scritis di un barbe za muart di tancj agns, lis storis a contins di altris Univiers e de nestre vite, a contin dal mont di cumò, dispès dant un judizi no masse biel. Si cjacare dal Friûl, ma ancje di aliens, di musiche dark, di paisans, di fantasy e di cuissà ce altris robis che al è dificil visâsi dutis.
A cui puedial plasê?
A chei che a cognossin il Checo e a ur plasin lis sos contis, a chei che i plasin contis che a misturin robis di fantasience cun ricuarts, un stîl origjinâl di scrivi che dispès al cjacare dret al letôr.
E se o ai voie di cjoilu?
Il canâl uficiâl al è il sît de Kappa vu, dulà che o podês comprâlu daurman, ma si pues ancje lâ a cirîlu intes libreriis che a tegni robe furlane, a Udin, o di sigure cualchi copie si cjate li di Onde Furlane. Podopo, si pues scrivi ancje drets al autôr, chi a Contecurte, e lu mandìn a puartâlu a man.
