Contecurte Day 2017

Flambri, ai 9 di Avrîl dal 2017
Gran Teatro dei Piccoli Facanapa

E dopo che si scomence a fâ une robe cetant biele, no si pues fermâsi. Si che, dopo dal Contecurte Day 2016 no si pues fâ di mancul di lâ indevant e meti adun ancje il Contecurte Day 2017.

O vin une Massarie in plui tai letôrs, un biel pocje di esperience te leture des contis e ta la gjestion de gare (no masse contis e no masse luncs) e une poie dal Sportel pe Lenghe furlane ancje chest colp, che nus à tirât dongje il Teatri dai fruts Facanapa di Flambri e ancje il ghiringhel ae fin de serade e i premis. Insome… si proviodeve une biele serade e difati e je saltade fûr propite chê.

Dodis contis in te disfide, letis a trê a trê cun cuatri finaliscj che o vin tornât a lei. E il vincidôr al è stât… Carli Pup!

E ancje chest colp il biel de serade al è stât viodi cemût che lis contis a cambiin a seconde de leture e cemût che il judizi de int al pues jessi une vore sogjetîf.

In finâl cun Carli Pup a jerin lâts Nello Malisano, Laurin Zuan Nardin e Massim Furlan e al va dit che i prins trê a jerin a distance di un pont.

Ancje achì, se o volês lei lis contis sul sît, baste che o fracais sul articul du la croniche dal event, o pûr su fb par viodi cualchi fotografie, o pûr o podês scjamâ cualchi conte.

• Articul di presentazion su Contecurte
• Event su fb
• Croniche de serade su Contecurte