Lets in Ostarie: Ti conti il Vaiont

Ti conti il Vaiont
Paolo Cossi
SFF 2022
CE LIBRI ISAL?
Un fumut nassût come imprest e lavôr didatic pai fruts, che al cîr di contâ in maniere sclete ma fruibile ai canais la vicende dal Vaiont, pûrpûr insuazant lis nozions intun implant naratîf vivarôs e cuntune ande di flabe.

MA CE ISAL DENTRI, DI PRECÎS?
Une memorie di una fantacine che e conte a un altri fantacin la storie de dighe, sclarint i ponts plui clârs ma mancul cognossûts. Il nivel de storie al è par fruts, ven a stâi semplic, clâr, cuntun segn sempliç e pocje complessitât. La storie si cjate sedi par talian e sedi, voltant il libri, par furlan, compagnade dai scrits che a spieghin la sô divignince e il progjet. Il fumut al jentre te golaine dai “Cuaders dal Docuscuele”.

MA CUI ISAL L’AUTôR?
Paolo Cossi al è innomenât autôr di fumuts che al à za dissegnât pe SFF la graphic novel par fruts Ti conti il vaiont. e che al à bielzà contât une vore di storiis (e disgraciis) doprant il medium dal fumut. Al à vût une vore di ricognossiments e al à vût voltâts i siei lavôrs in cetantis lenghis.

A CUI I PUEDIAL PLASÊ?
A cui che al à passion pai graphic novel che a vueli fâ didatiche par fruts ma cence smenteâsi di jessi gjoldibii ancje dai grancj. A cui che al vûl savê alc di plui dal Vaiont cence lei, ma cjalant cualchi dissen. Ai fruts che a ur plâs dissegnâ e a chei che ur plâs pôc lei. A cui che al crôt che la memorie e sedi impuartante par il vivi di doman.

E SE O AI VOIE DI CJOILU?
Pe version furlane la robe plui facile e je lâ li de SFF, dulà che cjatais la vore.