CC26Setembar#22 – Une esperience religjose

#22 – Une esperience religjose

O soi ipocondriac, paranoic, ossessîf-compulsîf par l’ordin e par il netâ e cul timp si è gjenerade une rabie che e confine cul parossisim sul teme de mancjance di bidets tai albiercs che o frecuenti intai miei viaçs.
Par disgracie, la esistence dai bidets intai bagns nol è un argoment di frecuent inte vendite di une cjamare di albierc: Al varès di jessilu! : in mût particolâr pai clients latinoamericans che a son nassûts dongje di un argagn cussì preziôs e indispensabil par ogni cûl che al vedi rispiet di se.

Duncje, ogni volte che o jentri intune gnove cjamare di albierc, la prime robe che o fâs, (cul risi di someâ un che al patìs di une diaree esplosive) e je chê di sburtâmi cul cjâf intal bagn, par verificâ la esistence o no di un dispositîf che al siguri une buine netade anâl. No cîr plui i bidets, no, almancul o cîr un piçul tubul tacât te aghe corint che al servìssi al stes fin, o un ino-bidet, argagn simil a un fórceps (1) tacât al gabinet che al podedi jessi azionât in mût mecanic.

Se o cjati robis dal gjenar, o respiri di solêf e o aceti la cjamare cuntune grande muse di ridi, se no lu cjati e scomence la tortuose ricercje di metodis alternatîfs par netâ la aree in cuistion che no compuartin lâ a fâ une doce ogni volte che o fâs la numar doi… il bagn aial une vascje dulà che o pues meti il cûl parsore dal ôr e doprâ la doce portatil par fâ il lavôr?…in mancjance di une vascje, e ise une doce montade sul mûr che si podedi distacâ e puartâ plui dongje dal cûl?… O pensi che ce che o ai dît fin cumò al mostri cetant che al è dificil par me vivi cuntune ossession dal gjenar.

Vuê, in albiercs gjestîts di personis pratichis e modernis, si cjate un argagn gjaponês che lu clamin Toto e che al funzione tant che toilette e bidet ducj insiemi.
Se tu ses fortunât di cjatâlu tu varâs une esperience cuasi religjose.

Al esist un prin e un dopo rispiet al Toto …pardabon!: o ti conti la mê prime esperience: par scomençâ, cuant che mi viôt jentrâ te aree dal gabinet, la sente dal argagn si alzce di bessole: la prime volte che mi sucedè o soi saltât indaûr pe sorprese. Cuant che il cûr al à tornât a bati normâl e mi soi sentât intune siele cjalde a 36 grâts e je scomençade la vere esperience.

Daspo vê fât il numar un, nol è sucedût nuie, ma daspò dal numar doi il coro de marce trionfâl de Aida al à scomençât a sunâ intal bagn! Al jere clâr che il progjetist dal gabinet al veve problemis di costipazion…
E cumò? Dulà ise il tast di espulsion?. Cjalant ator ator o viôt un piçul comant come chel di un climatizadôr tacât ae altece dal dispensadôr di cjarte igjieniche. E daspò di dîs minuts di studi e di dubis o scomenci a cjalcjâlu… prime o sint une brise cjalde che e sofle dal bas… interesant, al podeve jessi bon di secjâti il cûl cence cjarte igjieniche, ma no vevi la pazience di spietâ par completâ la sô mission e o ai cirût il tast di espulsion e infin, cuntun altri côr angjelic, cheste volte l’Ave Maria di Schubert, il contignût dal gabinet al è stât butât fûr cun sucès.

Sperin che un biel dì un burocrat ben informât e cuntun sens dal servizi public ben fat, al vedi pietât di animis come la mê e al introduzi cualchi regolament che al oblighi i albiercs a instalâ bidets o argagns simii in almancul almancul il dîs percent des cjamaris!

N. dal A: 1) Forceps: vecjo argagn doprât par tirâ fûr i neonats dal utar de mari.

Materie: Tecnologjie
di…
#1924