[…] vore plui seri l’argoment sielzût dal docent di STORIE, che al è lât a cjoli lis Comugnis furlanis, element…
Par scjaldâsi… “No smenteâ”
Duncje… Ta chest mês di Avost o sin in feriis, o pûr cuets dal cjalt, ma o stin cjapant sù lis iscrizions ae ScueleCurte, la tierce CorseCurte de nestre Ostarie, e i “professôrs” a àn tacât a mandânus lis ispirazions par scrivi lis contis dal mês di Setembar. O vin za 11 students.
Clare, al tocje spietâ Setembar par tacâ a scrivi, ma o vin pensât che al sarès ben alenâsi un pôc, par jentrâ inte competizion cun snait e la pene cjalde (bon, tastiere, dai). E cemût podêso fâ? Isal un teme di Avost di podê doprâ par scjaldâsi e scomençâ a scrivi?
Ma Sigure!
La Associazion Teatrâl Furlane e à inmaneât, dongje dal concors storic par tescj teatrâi, ancje une selezion di contis, di podê, se a son buinis e avonde, publicâ un librut e, soredut, fâlis interpretâ e lei. Cheste sezion dal concors, dulà che no si paie nuie e si vinç la sodisfazion di jessi sielzûts, si clame “No Smenteâ” e il teme al è il Teremot dal 1976, stant che chest an al è colât il 50sim.
Us lassìn ca sot une infografiche svelte (cun cualchi falope di batidure de AI) par il concors, ma us consein di scjamâ e lei il Regolament (e compilâ il modul google) sul sît uficiâl de associazion.
Sù, Contecurtârs, scjaldaits scrivin su chest teme, (3000 batudis, cence spazis) che sâstu mai che al vegni fûr un bonus intal vôt di condote…
Dutis lis contis
Lasse une rispueste