In chê volte il furlan al ere ancjmò doprât avonde e si podeve doprâ la lenghe ancje par la musiche,…
Panarie, Ondefrute e un mandi…

Al jere l’an di mieç daspò de prime onde Covid e prime che e rivàs la seconde. Si cjatavisi tal viert, par bevi alc, stant che tal sierât si veve di vê la mascarute e vie indenant.
E l’Ostîr si vise ancjemò che lu veve clamât un ciert Vitorio che lui al veve sintût cjacarâ di lui ma non cognosseve e si jerin cjatâts intun puest come un altri – adiriture ai Paparots, pense tu – par fevelâ di une colaborazion cu la Panarie. Al jere ancje Stiefin, ta chê volte, che cumò al è il nestri fidât Muini de Ostarie, che nus fâs lis fotografiis intai events. Al è stât in chel daspò misdì di cjalt che e je scomençade la idee di meti impins il cjantonut di Contecurte inte panarie, par meti su cjarte lis nestris storiis, di maniere che non ledin a fraidîs intai bit, come che dispes al sucêt par i contignûts su internet.
Vitorio al jere propite il diretôr de riviste e al pensave che Contecurte e fos une des pocjis robis par furlan che a vevin un pôc di snait e vivarositât.
Ben, magari cussì no, Vitorio Zanon, il diretôr de Panarie, nus à saludât ducj e ducj noaltris de Osterie no podìn fâ altri che zontâsi al corôt e saludâlu cun agrât pal plasê che nus à fat e la considerazion che al à vût par no.
Ma i salûts di cheste fate a capitin e a capitaran simpri, si sa, e alore noaltris o doprìn chestis riis par dîus une gnove. Une biele gnove, che propite in gracie de Panarie di Vitorio e dal snait di Stiefin e je saltade fûr in chestis ultimis setemanis.
ONDEFRUTE!
Propit partint dai 100agns de Panarie a son vignudis fûr une schirie di iniziativis e une nus à viodût coinvolzûts, o miôr, al è stât il nestri testimonial plui famôs e innomenât, LUPO MANARIE, il prin a jentrâ inte Panarie, che insieme cui fruts de tierce elementâr di Rivis d’Arcjan e cun chei di Ondefurlane al à metûr impins nuiemancul che… UN PODCAST!
Trê storiis di Lupo Manarie, une plui fûr cu la cassele di chê altre, che a son stadis letis dai fruts. Storiis dutis par furlan, che al à let sedi cui che al cognosseve la lenghe sedi cui no. Il non dal podcast al è propit ONDEFRUTE e ancje se par cumò o vin dome trê puntadis, cuissà mai di no vê altris intai agns che a vegnin. Ma intant gjoldeitsi chestis trê, a tacâ di doman, miercus 2 di Lui.
Ve chi che us lassìn i oraris par scoltâlis su Ondefurlane.
Miercus ai 2 di Lui, tor 17.30: Lupo Manarie al devente…
(in repliche domenie aes 15.30)
Miercus ai 9 di Lui, tor 17.30: Lupo Manarie tal spazi
(in repliche domenie aes 15.30)
Miercus ai 16 di Lui, tor 17.30: Lupo Manarie al dà i numars!
(in repliche domenie aes 15.30)
E se no rivais a scoltâlis, us metarìn volte par volte ancje il leam par scoltâlis su spreaker.
Nol covente, ma forsit al covente, spiegâ trop che iniziativis come chestis, dal bas e dai fruts, a puedin judâ no dome la lenghe, ma soredut la culture (e no cjacarìn di culture furlane, ma di culture in gjenerâl). A son bogns testimonis di chest il nestri Ostîr e la mestre Anna Melchior, che a àn gjestît la part plui Didatiche de robe, ma i miôr testimonis o crodìn che ancjemò di plui a sedin i fruts
E ancjemò graciis, Vitorio, par dut chest.
2 comments
Lasse une rispueste Cancele rispueste
This site uses Akismet to reduce spam. Learn how your comment data is processed.
Scrivinus a contecurte[at]gmail.com
Jentre te Liste di Contecurte
Ultins coments
In chê volte il furlan al ere ancjmò doprât avonde e si podeve doprâ la lenghe ancje par la musiche,…
In chê volte il furlan al ere ancjmò doprât avonde e si podeve doprâ la lenghe ancje par la musiche,…
A son passâts pe Ostarie
Adelmo Della Bianca Alessandro Valoppi Alessia Meacci Alessio Ecoretti Angelo Floramo Barbara Battel Bepi Zefon Carli Pup Cecilia Liva Checo Tam Christian Romanini cjadenedicontecurte Covidcurte Day Cristina degli Uomini Davide Peressoni Di Suald DoneBete Dree Venier Eduart Baschera Egle Taverna El Fari Eline Enrico Tomasi Eowin Fantacorsecurte Ferdinando Passone Francesca Giorgetti Franco Marchetta Franco Vigo Frank Spada Fuguline Fulvio Romanin Gaetan Cogôi Galliano di Buenos Aires Gianfranco Pellegrini Gianluca Franco Giuliana Pellegrini Guido Covàs Isa Dorigo Ivano Urli Jacum Tiburzi Jacum Trevisan Jaio Furlanâr Javier Moscufo L'Antescûr Laura Dri Laurin Zuan Nardin Lenart Gjavedon Leonore Lorele la Morete Luche Bagnarol Luciano Marinig Lupo Manarie Maghe Olstrele Marcello Marangone Marcelo Del Mestre Margarite Cogôi Maria Veronica Moscufo Mario Facile Marisa Gregoris Mariute Massim Furlan Massimilian Glîr Maurizio Di Fant Maurizio Mattiuzza Michele Vuardianut Calligaris Michêl Londar Milio dai cjans Nello Malisano Nene Furlane Noemi Salva Norma Romotowski O. Zete Pablo Gortan Passadôr Patrizia Torossi Pauli Fantini Pauli Jacuz Pieri Moràs Pierina Gallina Plume di Ingjustri Rafaêl Serafin Renzo Brollo Renzo Turùs Ricardo Gregoretti Ricart Tiburzi Rudy Citòs Sandri Carrozzo Scoltecurte Silva Ganzitti Spirt Anonim Stefano Gasti Stefano Lombardi Stiefin Asquini Stiefin Morat Stiefin Stefanut Stralunade Tiziana Novello Tommaso Pascolo Zorz Cesaratto





Biele iniziative. Lussian
Mi displâs par Vitorio, une strente a ducj chei che i àn volût ben!