100 agns di Panarie

Al sucêt che in chest 2024 la riviste La Panarie e à un inovâl une vore taront… 100 agns! E nol è che a sedin cetantis rivistis cuntune storie cetant lungje, e o vin gust di jessi dentri cuntun cjantonut furlan, stant che la plui part de riviste e je scrite par talian. Si che, ce vino pensât di meti dentri chest colp, par puartâ cualchi conte de Ostarie su cjarte?

Ve ca, che us lassìn il toc di presentazion dal Ostîr, che al à pescjât un pôc di dut: une conte lungje e gnove di une nestre contecurtare resint (Eline), una conte gjavade fûr de CorseCurte24, une conte plui viere, par no smenteâsi che o vin pardabon un biel archivi di storiis e ae fin une traduzion, nuiemancul che di Asimov, par mostrâ ce savôr che e à la leterature innomenade in marilenghe.

E come simpri, za che o sin, us invidin a dâ un cuc svelt ai contignûts de riviste, metint mieç sommario, ven a stâi Mario, e daspò di chel cualchi indicazion se o vessis voie di abonâsi o di cjoli chest numar. E in sumis… Ancje par la Panarie di chest trimestri, alc o vin metût. A la prossime!