CC24Dicembar#09 – Tâl si vîf e tâl si mûr

09 – Tâl si vîf e tâl si mûr

E cuant che tu sarâs za muart,
ma muart chês tantis voltis dentri une vite […]
“Jo? Jo o voi discolç viers inniò”

Sì, o ai pierdût lis clâfs…
Setante voltis siet… Saraial pussibil? Ancjemò?
No je colpe mê…
La bausie e je il lengaç dal diaul
Uf! Vonde cu lis detulis!… o soi strac madûr di lôr
Ognidun al à la sô art
Sì: e la tô art e je chê di fâ il rompicitis
E la to di fâmi lâ fûr dai semenâts… dai po, cheste volte tu ti comedarâs di bessôl: e je la ultime volte che tu mi fasis cjapâ pal cuel: al è il to timp di assumisi lis responsabilitâts e no dome eroine…
MDMA MDMA isal cussì difícil di capî?… o cjapi MDMA, eroine mai!
Al jere un bon diaul, al diseve chel ch’al vendeve Signôrs: su po, va cul to MDMA a cjoli lis clâfs numar nûf!
O ai bisugne de firme dal paron di cjase pe falû
La necessità e fâs l’om ingegnôs
Alore, o ai di fâ la sô firme false
A ognun il so mistîr: al somee che il to al è chel di ingjanâ la fiducie di ducj
No tu mi lassis nissune altre alternative…
La sorte dal om la puarte tai comedons, dal lavôr si cognòs il mestri, tu ruvinis la tô vite, mi lavi lis mans… e se tu vegnis  daspò lis dîs di sere tu durmirâs fûr: doman aes cinc o ai di lâ a vore e… sâstu?:  il salam nol ven dal cîl…

Vecjo di mierde… miôr lassâlu pierdi … anìn a fâ un viaç… dome une dose… daspò in machine a visitâ la morose, usgnot e je la mê gnot!

Notizie di ultime ore:
Un zovin automobilist al è muart dopo jessi colât jù intune das cabinis di pedaç ta strade panamerican, al somee che la machine e viazàa a plui di 150km/h intune zone a limit di 20…

di Marcelo Del Mestre (Ombre Grise)
#1826