CC24Otubar#20 – Ostarie

20 – Ostarie

Mi senti e ducj a san bielsà di puartâmi un tai. No mi covente altri. Spieti e dopo al rive Meni. Si sente e ducj a san bielsà di puartâi un tai. Noatris no nus covente altri. Cuant che al è biel, noatris o stin four e cuant che al ploûf noatris o stin dentri.
Si passe la peraule e o cjalìn chei che a passin.  Marie, la mê femine, e sta a cjase a viodi “Verissimo”. Nuie di fâ, je no voul mica capîle che a nol è nuie di vêr. In paîs invesite tu sâs se che al susêt, il peteç, la veretât, lis buinis gnovis e lis disgrasis… sense filtros o scandui o vaiudis, chês par fente, dome par fâ un franc.
E li, sentât, jo o cjali ben la int in muse, come che a cjamine, il fevelâ, la maniere di fâ, i vistîts, li machinis che a vuidin, li besteutis che a si partin daûr…
A son dai sovins che a àn tacât a vignînus dongje, intant che jo e Meni a zuin a cjartis. Fantats che a fevelin par furlan. An tacât a sentâsi cun noatris. Lor a bevin un tai cun noatris, a cjalin, a fevelin di lâ a pescjâ, a boscâ, a darâ cul John Deere, a meti in tasse i lens, a si judin tai lavôrs, a tabain di robis di vore, di fiestis di paîs, di films, di frico, di musiche e di frice. Se gust viodiju e sintîju fevelà, soredut par furlan. Mi plâs une vore!
Fin che il fûc al art la furlanìe no mûr.

di Laura Dri (Bultrik)
#1789

Note: opare di Renzo Tubaro (Scene di osteria, 1965)

1 comment