Pocjis cjacaris! Lis classifichis sa lis cjalarês cun calme, e se o volês vê une biele Radiocroniche24, ducj sintonizâts su Radio Onde Furlane miercus di Matine che il nestri Ticât dai Mus al è in forme plui di un toc di Montasi.
Tachìn cu la classifiche dal mês di Avost, che il teme, sal visarês ducj, al jere fat di peraulis furlanis. A ognidun i jere capitât alc di biel e nissun al à zuiât il bonus “Cambie!”. O vin vût, ma aromai al è fisiologjic, 4 mus che a son restâts fers ai box e no vevin plui bonus (Gato, Tiremole, Secretariât, La Ciachegna), e un mus che invezit al à zuiât il sô bonus “No Cumbini!” (32).
Si che a son rivadis 26 contis e a dire de jurie, tornade in forme e dute presinte, o vin vût pardabon un bon mês, cun tantis bielis contis dutis di lei.
Ma si sa, che cualchidun prin al à di rivâ e chest mês o vin vût un mus che pe prime volte al à vinçude une tape… TOROTOTELE! E le à vinçude nuiemancul che par vie dal jutori dal public dai scometidôrs dal FCC24 che lu àn votât avonde par fâlu rivâ secont e dâi i 5 ponts che lu àn fat sorpassâ sul fîl di lane un outsider che nol sa nancje lui cemût che al à fat… NO ANCJEMO’.
Chescj doi mus a àn distacât ducj chei altris, a tacâ di Brene Sfolmenade e Catine la Nere, i prins doi de classifiche gjenerâl che no vuelin savent di pierdi colps. Il colp lu à pierdût Glorious Grene, pluitost, sbrissade in jù, e lu à petât Atile, tornât in zone podi.
Ma vele ca la classifiche di Avost, cun dutis lis statistichis:
Si che, te classifiche gjenerâl, isal cambiât alc?
No tes primis posizions, dulà che Brene Sfolmenade e Catine la Nere, se a van indevant cussì (ma rivarano a tignî bot fin ae fin?) a si zuiaran la vitorie.
Daûr però, par il tierç puest, cumò al è dut un mismas. Glorious Grene, Torototele, Muspilli e Teresine la çuete a son intune grampe di ponts e cun 4 tapis ancjemò di scrivi… al pues pardabon sucedi di ogni. A podaressin tornâ sot ancje Atile e Nonio, imprevedibii, intant che Nevio pal podi al è forsit fûr dai zûcs. Insome… pardabon une classifiche dute di intivâ…
E se a dai un cuc ae classifiche stagjonâl, o vin nuiemancul che Torototele in teste ma cun Catine la Nere subit daûr… sa la zuiaran lôr la vitorie di Istât. Vele ca, la classifiche:
E insom di dut, viodìn il FCC24. Ancje ca o vin une sorprese… gjatemarangule, cuntun colp di code (ah!) e je tornade in teste, ma di un pont sôl, ancje parcè che Muspilli e Derna no molin. Tre scometidôrs, chescj ca, che a àn brincât simpri contis rivadis tai prins 5 se no adiriture tai prins 3… Bulos! Ve ca ancje la classifiche dal FCC”$
