CC24Setembar#19 – Fûr dai coions

#19 – Fûr dai cojons

I ai metût mâl il pè e la cjavile mi à mandât une biele stiletade, ma no mi free: e je le mê cjavile, e fasarà ce che i dîs jo. E i continuarai a lâ sù pe mont encje e soredut parcè che a mi fâs mâl. I ai metût tal persac cualchi biscot, une maiute di ricambio, le buracje e il drone. I soi partît adore dal Rifugjoo Tolazzi, nencje lis siet e lis monts vevin a pene tacât a imbombâsi di lûs.
Al è stupit, e sbaliât lâ in mont di bessôi, lu san encje i fruts, ma chest al è chel che jo i soi cumò, e chel che i voi essi: stupit e sbaliât. Chest, almancul, al è chel che a mi disin ducj ultimamentri: i no fâs che barufâ cun ducj, i lu fâs par lavôr, par mistîr, par bêz. I fâs fature: soi cence alenament, e i sfladascji e i sudi encje se al è frêt, i miei dêts son zâi pai cjics e i sint le panze balâ sot da le termiche encje se il sintîr al è lizêr, ideâl par un citadin che al vedi voe di fâsi un Instagram par fâ scene come i omps a lis feminis su le nêf four dal welcum. Ma al è cuant che i sint il frêt becâmi le mûse, cuant che i sint lis marmotis sbrissâ, che alc tal cour a mi si spalanche, e i sint il stres colâ jù a tocs de me piel come le scuarze di un arbul. I no ai incuintrât nissun fin ca: not a single person. Cumò i pensi in inglês come i milanês. I sint alc che a mi ponte inte sachete, lu tiri four: no ‘ndè cjamp – dute le tecnologjie, il futûr, il stres dal mont mi cjale come un toc di veri neri levigât e trist – i seis ducj lì dentri, ducj i problemas, ducj i mâi. Le rêt no rive ca. E al è stupit e sbaliât lâ in mont di bessôi. Le cjavile a mi dûl e jo soi stupit parcé che subit prin dal Volaja a son cinccent metros di lastris di glaçe. I met i pîts un denant di chel altri cun prudence – a son olmis di lôf dongje des mês. Cuasi i sbrissi, inmò cun il telefono i man. I lu cjali – e i mi rint cont che i stoi cjalant un telefono dal mieç dal mont, al è plui important dal rest dal mont, e i stoi colant par colpe so. E al svuale miôr dal drone, cuant che i lu lanci jù intun gravâr. I soi di bessôl? Sigûr. I soi malandât, strac, cjapât mâl. Sigûr. E fruts, us voi ben, sìgûr. Ma jo, cumò, i voi fûr dai cojons. I respiri profondamentri, e i mi rint cont che i stoi vaint, ma par il prin viaç, dopo tant timp, par la felicitât.

di ?
#1761