CC24Setembar#12 – Il Paron dal Invier

#12 – Il Paron dal Invier

To: Lino Straulino
From: Il Paron dal Invier.
Lûc: Banyanlufar, Mallorca.
Date: Setembar 6, 2024

Cjâr Siôr:
O ai doprât il email tant che mieç par contatâlu parcè che il formât dal Whatsapp no mi somee adeguât ae impuartance dal sogjet dal interscambi in cuistion.
Mi rivolç a lui par domandâi che al fâsi un rifaciment complet dal imagjin che LUI mi a fât progjetâ ae mont.
O capìs pardabon parcè che lu vedi fat e no lu inculpi, daspò di dut: cuant che i è vignude tal cjâf cheste cjancon?… Tal 1997?… boh… aio di jessi jo a dîus che la situazion al à cambiât un tichinin?
O vin di cori tant che il flum e trasmudâsi e o crôt che si scuen di cjatâ une imagjin  inacuardi cui timps che a corin.
La imagjin che lui al proiete ca di me e ofint lis sensibilitâts modernis, un al pues dî che no je politicamente corete ancjemò, par esempli: parcè al crodial che la int e percepisi che jo o puarti dome mâl, dams e dolôrs s lôr vitis? Se jo o puarti dome nêf?… No, e je fondamentâl cambiâ chê percezion. La situazion e je cambiade: o vin di vê mancul Voldemorts e plui Gandalfs.
La cape nere, il baston cui madracs intorteâts e lis barbis disordenadis a son part de storie, tant che a disin i zovins di vuê inte rêts sociâls.
O vuei progjetâ un imagjin plui smamît, trasparent, vistît alla Demis Roussos, cuntun “caftan” blanc e lunc, un baston plui “organic”, fât di len intorteât di faiâr e par ultin, ma no mancul impuartant: cjavei bionds di elf!… vonde cui riçûi e i bruscs su la muse!: lassìn chei aes striis.
Un altri aspiet di considerâ e je la ande paternaliste, tu varessis di dâur al mont un Paron plui dicontratât, fluit di gjenâr e/o plui in contat cun il sô lât feminin. Che o lu ai, di scuindon, chest al è clâr, ma o lu ai… magari cussì no: parcè no dâlu par scontât?. Nol è di vê pôre!… l’om che al è sigur de sô mascolinitât nol a pôre di mostrâsi al mont tant che acessibil e fragjil.
Anìn!… fasêt cûr fuart: se o pues cjapâle sù tu tu puedis progjetâlu!
Chestis a son, pardabon, diretivis gjenerâls, o lassi ae vuestre discrezion selezionâ forme e mieçs necessaris par puartâ indenant cheste imprese, parcè che, disin il vêr, dopo dut, o soi dome une figurazion de tô imagjinazion.

Salûts
Il Paron dal Invier

di Marcelo Del Mestre (Ombre Grise)
#1753

1 comment