[…] lezion di ART, dulà che il prof. N. S. nus spieghe e mostre une opare dal mestri Alfredo Pecile…
CC24Setembar#04 – Cun calme
#04 – Cun calme
E stave sintade di bessole suntune bancjute dispartade leìnt “I sassinaments inte Rue Morgue” di Edgar Allan Poe. E vignive regolarmentri tal cimitieri di Grau, dulà che e podeve lei cun calme e in solitudin.
Il libri al jere cetant apassionant che si veve dismenteât dal timp. Al imbrunive. Al veve tacât a jessi frêt e lis ombris, tropis, si vevin dislungjâdis.
E sintì un scroc signestri.
“Buine sere” e saludà une vos garbade, “No aie pôre a stâ cussì di bessole di gnot tal cimitieri?”
Rabiose, si voltà e e viodè un zovin sintât propite in bande di jê.
Il so cûr al tacà a bati fuart. Al jere un miscliç di om e lôf che le cjalave bramôs butant la bave.
E jere une vite che e spietave chest moment.
Cun calme, e dispità il segnelibri da lis pagjinis del libri: lu veve fât di pueste in arint, par chestis ocasions.
La lune e iluminà la muse interoride dal lôf, intant che al plombave jù par tiere, pugnalât a muart.
di Laura Dri (Bultrik)
#1745
2 comments
Lasse une rispueste
Dutis lis contis
Almancul une volte che une puare femine e rivi a difindisi di che affamade rasse Liocantropantose. Lussian