CC24Avost#22 – Un brût di peraulis

#22 – Un brût di peraulis

Jê e studiave cun passion il furlan, la marilenghe dal sô om. E veve un vêr amôr pe leture, scriture e il sun des peraulis.
Ogni peraule e jere un portâl misteriôs che i vierzeve il cjâf e le puartave tal mont enormi dai significâts.
Une volte, tal côrs di semiotiche, il professôr ur disè ai siei arlêfs: contaitmi dut su la peraule Brût!
Si metè drete a fâ il lavôr. E consultá la bibliografie dade, informazions par internet, dizionaris enciclopediis. E cjatà avonde materiâl.
Par prim di dut, alc di sempliç e pôc stimolant: ce robe jerial un brût? Rispueste: al jere un aliment licuit che si fâs fasint bulî in aghe cjar, verduris o pes.
Jê e veve lavorât une vore. La curiositât le sburtave a cirî alc di interessant sul brût; une mission cuasi cuasi impussibile.
Chel dì, cuant che e veve lât a durmî si sintive une vore strache, la sô ment e svuacarave intun mâr di brût. Si zirave malcuiete tal jet e al improvîs un insium le butà vie cun fuarce a traviers dal portâl Brût.
Jê e colá intune sene di matetât. Il lûc al jere plen di cartei, cun lis peraulis e lis lôr spiegazions. Ducj a cjaminavin intun licuit e a saludavin cun musis di carnevâl biel movint i lavris intant che tal stes timp a mungulavin fûr contignûts; al someave un rumôr dal cjadaldiaul. Jê e veve sbudriât il so vistît cuntun brût lizêr, e daspò cul licuit dal ledan, chel brût che si dopre par coltâ il prât.
Ma cuant che gnovis peraulis a forin biel aparint, jê e le in brût, une vore contente.
Brudiet, brût di pes. Sbatût, brût cul ûf. Sbrudie, brût lá che si á cuet verdure, paste o manç. Sbudriot, brût masse licuit e trist. Slavueç, brût lami. Svuacarot, brût che nol sa di nuie bon.
Une des peraulis e sberlave cuntun sun fuart e continuât muovintsi come che il vint la vuelisi mandâ a un altri planet, e diseve “no aparten a cheste cort… o aparten ae cort de famee, o soi la femine dal fi di cualchidun”; ancje chest, ce sorprese!
I displasè viodile lá di bessole, sconfundude!
Planc planchin i jere rivade la calme e si indurmidì in mût seren.
A buinore un rumôr le veve sveade. Il ricuart de gnot le veve sgarzade fûr.
Daspò de gulizion si sentá a finî il so lavôr.
E spietave di no fâ une luianie… un discôrs lunc e cence contignûts, infin, un sbrudiot cence cjâf ni cjaveç!

di Norma Romotowski (Ghiringhel)
#1737

1 comment