CC24Lui#25 – Gigliola e Beatriç: il grant viaç

#25 – Gigliola e Beatriç: il grant viaç

Il stes acjadiment, dôs rispuestis.
Lôr a jerin cugnadis. Gigliola e saveve dut sui viaçs, e butave fûr fidance e sigurece. E jere une persone cence svolts che simpri e cjatave il dret. E jere stade cetantis voltis in Italie par fâ côrs di perfezionament, e jere profesore di talian tal so Brasîl. Invezit Beatriç e saveve pocjis peraulis par talian e no veve mai viazât in avion. Biel scherçant, jê e diseve che svolâ sú tra i nûi al é dome pai uciei e no par jê che no ´nd á neancje dôi becins pal biliet.
Intal font dal cûr si sintive la pipinote di Gigliola.
ll viaç al sarès stât une sfide enorme.
E al sucêt che agne Rafaela, in Friûl, dongje dai novante agns, lis vûl te sô grande fieste di complean.
Cussì, tant ma tant entusiastis, lis dôs feminis a van a comprâ i biliets pal viaç. Cuant che l’impleât i domande par tornâ a cjase, un duet perfet al sberle: No prime di três mês! “O vin lavorât une vore! Nô o meretìn chest timp in Europe”.
Si volevin ben.
Beatriç biel cjalant une mape e sielzeve i lûcs di visitâ, e prenotave i albiercs e, e preparave i percors turistics par ogni dì. I plaseve une vore fâ chest compit.
Ur spietavin tantis robis gnovis: colôrs, suns, lenghis, paisaçs, vôs, usancis.
Jê e jere inmagade; e sarès stadi ancje di plui là.
Dut al fo maraveôs, la fieste, i lôr parincj. Zuan e Regjine lis vevin logadis cun gjonde e boncûr; ogni dí lis puartavin a bevi un café deliziôs tai paîs dongje Cjasarsa.
Peró, un dí la felicitât si pierdè.
Gigliola, par motÎfs di salût e doveve tornâ tal sô paÎs daspó di un mês.
Beatriç e doveve frontâ une cuistion impuartante: tornâ a cjase o restâ di bessole par doi mês in Europe. Gigliola i diseve “par plasê, tu torne cun me, di bessole tu ti pierdarâs tparaeropuarts e stazions”. I siei fiis le disevin “Mamute, tu reste là, finìs il viaç”. E cussì e fasè!
E cjatave simpri int simpatiche e amabile, i domandave la direzion di pueste eletroniche e ancje di fâ une foto ricuart. Ducj a acietavin.
La Europe e fo la la sô cjase e ancje la felicitât!
Jê e tornâ ae sô cjase cul cûr plen di bogns ricuârts, i voi plens di bielis imagjins, biel fevelant par talian… e cuntune lungje liste di nons di cui che vuê, a son… i siei amÎs dal mont! E… in nissun moment si pierdé!

di Ghiringhel
#1713