CC24Lui#17 – Mangje, pense e scrîf

#17 – Mangje, pense e scrîf

“Mayumi slurped her first spoonful of clam chowder and she immediately noticed the stern gaze coming from the couple sitting next to her.”
Margarite e fermà i dêts su la tastiere, e tornà a lei la ultin frase e, malcjapade, e fracà il boton DELETE.
Al jere un Lui cjaldonon.
E jere la tierce setemane dal cors di scriture creative a New York e chel li al jere il compit assegnât dal Siôr Tarantino, il simpatic e origjinâl mestri italoamerican.
Si jere regalade chel cors daspò di vê lassât il lavôr di contabil intune grande aziende di Buri.
Margarite e vignive in cafetarie “La Colombe”, parcè che e jere dongje dal Bryant Park, un puest dulà i plaseve cjaminâ e fâsi vignî la ispirazion par contis gnovis. Ma chê zornade no rivave a cjatâ lis peraulis justis.
“Was the cappuccino good?” E jevà il cjâf e e incrosà i voi ridintis e scûrs di Paulo, il camarîr  brasilian cul cuâl dispès e baratave la peraule.

“Masse bon!” i rispuint par furlan. E lui, ch’al veve capît, al ripetè daûr: “Ah, muito bon!”
A vevin discuviert che a vevin lidrîs in comun: il basavon di Paulo al veve lassât il Friûl in tal 1920 par emigrâ in Brasil. Chiste e sarès podude deventâ una biele storie di contâ, se dome  Margarite no fos stade daûr a passâ un moment di grande conturbie in te sô vite.
Ma New York al jere il puest just in dulà cjatâ fûr gnûfs stimui. E adorave chê misture di culturis e tradizions culinaris diferentis che la menavin cun il pensîr e la gole in monts no cognossûts e i sugjerivin storiis di metî su cjarte.
“Vuê prove cheste ca. Si clame Pavlova“. Suridint Paulo i ufrì une fete di torte mai viodude prime.
E la fantasie di Margarite, come par incjant, e torne a svolâ viers storiis lontanis…

di Alessia Meacci, Patrizia Torossi (Incocalît)
#1705

1 comment