CC24Mai#24 – La magjie de none

#24 – La magjie de none

Une volte, e jere une ave che e gjoldeve a stâ a contâ contis a ducj. Jê e inmagave il so public; e veve un biel cerviel plen di storiis.
Peró un dí, juste il dí che i siei nevôts a vignivin te sô cjase, e scuvierzé alc di teribil. Jê e veve il cjâf vueit!. Nl veve plui contis, fiabis e nancje filastrocjiis.
Nuie di nuie. “Che e sedi une maledizion?” Ma posisà!
Al jere sucedût che la dí prin une vicine che e veve rabie de sô magjie, de sô grande abilitât tal movisi a traviers di monts fantastics, i veve dât un sacut di biscots. Sul fonts une cartuline e diseve: Mai plui!
Biel pensant in chestis robis e tacave a sintîsi un sunsûr ogni volte plui fuart. A jerin i fruts! Lôr le jemplavin di bussadutis e abraçs.
Daspó di vê bevût e mangjât fetis di torte, la domande no si fasé spietâ. “Ave, continus alc!”
Si sentavin dongje dal fogolâr e le cjalavin cun emozion, e a spietavin, fermant il respîr.
La none e veve dentri un mâr mat di pinsîrs. No sapeve ce fâ.
Lôr a cjantavin: “None… none!”
Intun minut gloriôs e á rivât a cjapâ dal aiar une idee salvadore!
Us contarai alc che o ai viodût intal zardin:
“Diu! Tancj ma tancj uciei che a svolavin di un arbul a chel altri: gardelins, mimus saturninus, favitis, benteveos, piçui pampagai di colôr vert. A fasevin un davoi di chei.
Cjant, bal, svol. Ce spetacul bielonon! Al jere un splendit côr di uciei.”
Cuant che si scoltá il benteveo tal zardin, ducj i fruts a corerin al barcon a cjalâ ator. La felicitât si veve mudade in delusion. Nol jere il côr, dome un uciel. Il plui piçul al scomençá a vaî.
Dai, dai! E disè la none: “Se lôr no rivin tal zardin… nô o fasarín il côr!”. Ducj a butavin lis lôr mans e a spietavin. E continuá: “Scomençait a imitâ il cjant dai uciei.”
Il plui piçui al disé: “Ave, no sai fâlu!”
“Oh, gno ninin, mande tu une bussadute tal aiar e sofle planc planchin, e cussí che al vignîará fûr il sun, dai, dai”
Un altri côr al inneá il tinel. Jê e zuiave cu lis mans; cuant che chestis a lavin sú, il sun al jere plui fuart, cuant che al lavin jú, il sun al jere mancul fuart, e cuant che lis mans a ziravin come matis il control si pierdeve e ducj a murivin di ridi.