CC24Mai#13 – Il novizi

#13 – Il novizi

Fra Rinalt, miniadôr e bibliotecari dal munistîr, nol veve voi che par Lotari, zovenut nobil jentrât di pôc tal ordin, in prove par imparâ la art de decorazion. Dopo al sarès stât indreçât in cualchi altri claustri a ricopiâ manuscrits.
E zirave vôs che Rinalt, om viziôs di mieze etât, al ves tante gole dai novizis plui biei.
Cu la scuse di mostrâi dai libris rârs, Rinalt al invidà il biel Lotari te sô cele.
“Chescj, o nobil scuelâr, a son libris che mi à puartât chê altre dì un pelegrin. A son oparis raris e impuartantis!”
Il novizi Lotari al jere in estasi a viodi lis letaris coloradis e i dissens, opare di muinis aromai defonts.
Po il libidinôs Rinalt al pensà di proponi a Lotari une lavande dai pîts e chel al acetà.
Fra Rinalt al gjoldè a fâ i massaçs e a bussâ i piçui piduts di chel efebi.
Al continuà la operazion ma di colp si gjavà la vieste e al restà in crot!
“Fradi Lotari. Jo mi soi mostrât in crot. Fasêt ancje voaltris come me, che jo o podedi contemplâus!”
Il fûc de passion al ardeve tal cuarp di chê ghigne!
Il novizi si sbassà la cape.
Fra Rinalt al restà di clap: nie tonsure; i curts cjavei a jerin bionts.
La vere sorprese e capità cuant che Lotari si gjavà dute la vieste e al restà nût.

Lotari al veve doi biei, piçui piruçs tal pet.
Rinalt nol crodè ai siei voi cuant che al cjalà bande dal ses dal novizi. Nol jere!
Evirât? No, cjalant miôr si notave une musine!
No jerin plui dubis: Lotari al jere une zovenute jentrade tal munistîr fasint fente di jessi un om.
“Ce isal sucedût, o miò efebi, o miôr, o mê ninfe?”
Lotari al disè di clamâsi Lorene e di vê inventât chel truc par no finî come muinie tal trement munistîr di Bingen, in Alemanie, sot de vuide di une badesse masse insuride. Lorene e disè che no i displaseve intratignîsi par fâ cumierç carnâl cun cavalîrs, borghês e muinis e che par no ingravidâsi e doprave un artifici vecjo come il mont: un budiel di piore.
A chel, fra Rinalt no si tratignî plui e si unì daurman a la zovine!

di ?
#1643