COCECURTE DAY

Forsit al bastasès meti la locandine e no disi altri, ma insome… stant che o vin un event cussì impuartant, no si pues no pandi alc di plui. DOMENIE AI 29 DI OTUBAR, aes sîs sot sere, pene che al rive il scûr, dute la clape di Contecurte a sarà a Gjalarian, dulà che il Spaccio Raffl di Sara e Ivan nus à dat il bon acet e dulà che… al sarà di sgrisulâsi!

Ma parcè? Ce spetacul fasìno? Ah, ben… chei che nus seguissin di prime dal Covid a son dal sigûr za pront a vignî a bati lis mans al event plui impuartant di Contecurte, ven a stâi il CONTECURTE DAY, o miôr la gare di contis si sfidaràn par viodi cuale che e vinç (e cui che al è l’autôr, clare). E noaltris di Contecurte o sarin pronts soredut a dâ vôs e une biele suaze a lis storiis che stant a la date o vin decidût che a sedin a teme di pôre.

Eh, sì, parcè che lu savês che te gnot dal 31 i muarts a vegnin a cjatânus e sul barcon, bisugnarà meti nuie mancul che lis cocis cu la cjandele dentri… E insome, di miôr che clamâlu CoceCurte Day no si podeve fâ. E po lu savês, lis contis cun dentri un pôc di malcuiet a noaltris nus plasin, e il nestri Ostîr al è za daûr a pensâ cualis sugjestions e cualis ideis meti in vore par regalâus une serade biele… di fâ pôre.  E nol è di bessôl… al pâr che la gjatemarangule e sedi daûr a pensâ a une senografie adate al teme e la mari dal Ostîr e je za daûr a inventâ une marmelade di cocis adate pe situazion e par il ghiringhel finâl. 

Us visìn che se volês, o podês jessi ancje dai concorints, o almancul cirî di rivâ dentri de selezion di 12 contis che a saràn in gare. Leieit ca lis regulis, pocjis e lis solitis, par mandâ la conte.

Us lassìn ancje la possibilitât di scjamâ e stampâ il document in pdf dal cocecurte se o vês voie di fânus reclam, ma soredut se o vês voie di vignî a fâ un pocje di fieste, e gjoldi a sintî un pocjis di contis. Us spietìn!