CorseCurteOtubar#05 – Dentri di me


#05 – Dentri di me

Neri. Dut al è neri.
Plui che un colôr, al è un sens.
Il neri al sa di amâr te lenghe. Cjalt e penç te bocje, al sune di petroli tes orelis.
Lis lagrimis neris a tornin plan planchin alì, dulà che a son nassudis, biel colant sot tal nuie font e scûr.
Nol rivarès a movisi nancje se chest comant al fos stât bon di cjatâlu, a torzeon tal infinît. Nol savarès nancje cemût tacâ a lâ vie di chi.
Tant che un esercit che in ritirade strategjiche al torne indaûr, lis sint che a vegnin sù. A son furmiis di eletricitât che a muardin il lôr troi, simpri indevant, simpri plui fuart.
Il ciment dentri de gole al pare jù chei che a podaressin cressi tant che berlis, se a vessin vût la braùre.
Tal aiar si nase che al è rivât il moment.
Un odôr scjassôs che al podarès indreçâ a cualchidun, se al fos stât ricercjât.
Al è tal pont just, chel di no podê lâ inniò.
Ma ancjemò si ribele, no si pues finî cussì.
No si rive al finâl se no si sa di dulà che si è partîts.
E soredut cemût che si clame!
“Tu ti clamis pôre!” si sint nomenâ di une vôs adalt.
“E tu… Tu tu sês dentri dal gno pet!”

di ***
#1***

Lasse une rispueste:

La tô direzion di pueste eletroniche no sarà publicade.

This site uses Akismet to reduce spam. Learn how your comment data is processed.

Pît di pagjine dal sît