CorseCurteMarç#18 – Fieste di ce?

#18 – Fieste di ce?

Al criche il dì. Un lusôr tombadiç si pant tal aiar, dissegnant ombrenis strambatis tes maseriis che a cuvierzin chê lande pustote dute compagne: un desert di rudinaçs grîs che si sfante tal orizont intune fumadice malade e smavide.
Dut al è fer, imobil, e sporc, come intun dissen fat cul sfrusin.
Si sint tal aiar – uniche note di vite in chel grivi paisaç vuastât – une vôs grocjose che e ven di une radio mieze sepulide ta chel polvar di cinise e ciment che al tapone dut:
«…finide! O torni a dî: la vuere e jê finide!»
Par chilometris e chilometris ator, nancje une anime a sintî.

di Enrico Tomasi (Barba Pisul Stentadizza)
#1222