CorseCurteZenâr#15 – Trucs

#15 – Trucs

Mi plâs un grum chê biele frute, e par vêle jo i le met dute.
Par jentrâ tai siei pinsîrs, mi soi comprât cuatri vistîts,
naulizât un machinon e metût sù un biel paruchin,
par mostrâmi un grant sioron e cambiâ in miôr il gno destin.
A la fin jê le à capide e si è mostrade interessade,
di cognossi e cjacarâ, cun chel om di Martignà.
Mi presenti plen di ardôr, ben tirât come un pavon
ma mi inacuarzi cun stupôr, che e je pelose come un om!
E par dîle fûr dai dincj, e à la dentiere e i tacs di vincj!
E jo che, par podêle concuistâ, mi volevi trasformâ!
A chel pont e cence imbroi o vuei mostrâmi chel che o soi:
vonde e mai plui chê mascarade, o pûr ognun al ledi pe sô strade!
Cun braûre e a cuatri voi, i al dîs ben, ma clâr e net:
Par capî miôr come che o soi, ven cun me usgnot tal jet;
dai, fasìn chest tentatîf: viodìn se soi za vecjo o se soi vîf!
Mi à scoltât: o vìn fat l’amôr, e là sì che mi soi fat onôr!
Cun di plui, par dîle dute, cence doprâ chê pirulute!
Jê cumò e dîs che no mi mole e no intint plui stâ di bessole,
che e à cjatât il Paradîs, e ca di me e starà par cuindis dîs!

Cussì e cence tancj messedaments, o podìn sierâ ca cheste storiute,
ma cumò che o vivìn dai bruts moments, nus tocje tignî sù la mascarute!
Mi plâs un grum chê biele frute, e par vêle jo i le met dute.
Par jentrâ tai siei pinsîrs, mi soi comprât cuatri vistîts,
naulizât un machinon e metût sù un biel paruchin,
par mostrâmi un grant sioron e cambiâ in miôr il gno destin.
A la fin jê le à capide e si è mostrade interessade,
di cognossi e cjacarâ, cun chel om di Martignà.
Mi presenti plen di ardôr, ben tirât come un pavon
ma mi inacuarzi cun stupôr, che e je pelose come un om!
E par dîle fûr dai dincj, e à la dentiere e i tacs di vincj!
E jo che, par podêle concuistâ, mi volevi trasformâ!
A chel pont e cence imbroi o vuei mostrâmi chel che o soi:
vonde e mai plui chê mascarade, o pûr ognun al ledi pe sô strade!
Cun braûre e a cuatri voi, i al dîs ben, ma clâr e net:
Par capî miôr come che o soi, ven cun me usgnot tal jet;
dai, fasìn chest tentatîf: viodìn se soi za vecjo o se soi vîf!
Mi à scoltât: o vìn fat l’amôr, e là sì che mi soi fat onôr!
Cun di plui, par dîle dute, cence doprâ chê pirulute!
Jê cumò e dîs che no mi mole e no intint plui stâ di bessole,
che e à cjatât il Paradîs, e ca di me e starà par cuindis dîs!
Cussì e cence tancj messedaments, o podìn sierâ ca cheste storiute,
ma cumò che o vivìn dai bruts moments, nus tocje tignî sù la mascarute

di Renzo Turùs (Il fi di Marie dal cafè)
#1165