CorseCurteFevrâr#4 – Flôrs… di velen


#4 – Flôrs… di velen

Mi presenti: o soi Jelena Óllafdóttir, o soi nassude in Islande tal 1982 di mari rumene, russe, bulgare e cravuate e pari islandês e o soi Velenadore professioniste.
O ai cjapât il titul ae Universitât di Siencis Nereosis Vlad Tepes di Sofie. O soi lade là a studiâ daspò de sparizion dai miei gjenitôrs in circostancis dubiosis.
Lôr a si son cognossûts intune convenzion di neurosience a Uppsala, Svezie. Mê mari e jere la neurosientifiche e e jere là pe convenzion, gno pari, invezit, par câs e dome par viodi se al cjatave une interessante: un farabut il vieli!
La reson di presentazion e je che cu la pandemie e il confinament sfuarçât i miei fonts di lavôr tradizionâl a son disparîts e o ai dibisugne di cjatâ un altri mieç di propagande. Instagram al è un bon mieç, duncje o soi chi a pandi il gno mistîr.
Tant che cuasi dut il mont o soi une persone multiforme, e chê carateristiche mi a permetût di svilupâ une schirie di velens par ogni necessitât, disìn alc pe borse di femine e il tacuin dal siôr.
Il mio lât feminin, vâl a dî maternâl, mi à puartade a svilupâ un velen par eliminâ gjats, cjans, frutins di scune plaiots e fantatis noiosis, a base di un decot di flôrs di Datura stramonium, un velen sofisticât, sutîl e avonde efetîf.
Il lat masculin (O i vons rus, cui lu sa…) al contrari, mi à vuidade inte direzion di velens inorganics, simii al Novichok, che a blochin il neuro trasmetidôr acetilcolina. Al è stât dimostrât tal câs Navalny e no racomandi di sfreolâlu intes mudantis dal sogjet, ma di scliçâlu inte hors d’oeuvres o piçulis tortis che a permetin assimilazion plui efetive.
Se tu âs voie di meti fûr madonis o brûts in maniere cidine, cence lassâ rescj che ti puedin incriminâ o ai butât fûr un ibrit suntune infusion di flôrs di Digitalis purpurea e Brugmansia candida che al à vût grant sucès cul setôr maschîl dai clients. Tu âs di preparâlu la gnot prime de visite dal nemì in cuistion parcè che al à bisugne di stabilizazion. Se la brût e à voie di camamile: tombule!
Cun cheste ti ringracii pe atenzion e ti lassi la mê direzion di pueste.
jelenaolaffdottir@montvelenosis.com

di Argo Patùs
#1179

1 coments On CorseCurteFevrâr#4 – Flôrs… di velen

Lasse une rispueste:

La tô direzion di pueste eletroniche no sarà publicade.

This site uses Akismet to reduce spam. Learn how your comment data is processed.

Pît di pagjine dal sît