CorseCurteFevrâr#01 – Rosis di mari

Le viodevi ogni matine
in corot vistude a neri,
cul macet di rosis frescjis
di puartâ tal cimitieri

No le viôt plui a passâ,
e à volût restà là jù,
sot chê crôs tant lagrimade
di chel puar unic fi

Il Signôr di cûr i à dât
ce che tant veve volût,
dongje lui te vite eterne
par no vêlu di pierdût

Sot che crôs no son plui rosis
a sclarî la scure tiere,
reste vîf l’amôr di mari
sot ‘ne lûs cetant plui vere.

di Luciano Marinig (Potonzio)
#1176