I numars dal 2021

Se si visais ben, un pâr di agns fa, o vin dât i numars…

E no nus pâr biel no tacâ chest 2021 cuntun pôcs di numars de Osterie sul an pene passât.

Scomencin cu lis contis, che a son stadis in dut 94, scritis di 29 autôrs diferencj. Sui autôrs, i plui prolifics a son stâts cence dubi Marisa Gregoris (14 contis), Laurin Zuan Nardin (11 + i articui di Lets in Osterie), Galliano (10) e Zorz Cesarat (9). E Chei de OStarie, a tacâ dal Ostîr, a varessin di fâ un pocje di autocritiche, stant che lis contis di chest an no son stadis tantis, di bande lôr. Ma o si pronts a recuperâ cun chest 2022 e la corse a Corse Curte!

Po dopo, fevelino di caratars? Il total dai caratars publicâts, ven  a stâi batudis, al è stât plui o mancul 190000 caratars, cuntune medie di 2039 caratars par conte (perfete, par lis nestris regulis di fonde.) E se volês savêle in peraulis, tal 201 o vin publicât contis par un totâl di 38127 peraulis-

E come gjenars? Tignint cont che tantis contis a tocjin plui gjenars, o vin provât a assegnâ a ognidune un gjenar prevalent e i risultâts a son stâts che o vin 29 contis di gjenar ironic, 13 romantic, 10 sociâl e dramatic. Avonde in linee cu trend dal stîl furlan dal scrivi e ancje la medie des etâts dai nestri contecurtârs. Altri?

Podin dî che no sin rivâts adore a fâ masse events, ma podin dî ancje che il plui impuartant, il Pôrecurte Day, lu vin fat e al è stât forsit il plui biel che o vin fat, sedi a nivel di contis, sedi di partecipazion e cure dal spetacul. Di bande negative, si pues dî che no sin rivâts a tirâ dentri masse int gnove, ma o contin di rivâ adore cu la iniziative Corse Curte e anzit… su chel front o scuvierzarês subit che o vin za fat pas di orcolat.

Avonde cussì. sul dâ i numar sul 2021. O sarìn di sigure une vore plui brâfs tal 2022, parcè che o vin intenzion di bati ducj i recorts!