Tant lis materiis tu lis sielzis tu... e po la nestre e sarà matematiche-.- leterarie! :)
Divozion cristiane
I tons dal canon di Cjaurêt si fasevin simpri plui in ca, e la int come le paisse e scjampave jù pe plane furlane.
Un dì tal curtîl dai Pontons, popolât di cuatri fameis, si presente un jeur dut spaurît di chês canonadis, no us dîs il diauleri, ducj a vierzi puartis di cjase, stale, arie, gjalinâr, cun chê di cjantonâlu te sperance di une bondante padielade, cenonè il jeur al sparìs tornant a meti la pâs intal curtîl.
Miute e jere tal ort a perecjâ cuatri fueis di lidric pe cene, tal tornâ in cjase e tire fûr di sot il seglâr le raine par curâlu, e ce cjate dentri, un bocon di jeur cal vares sfamât je l’om e i dodis fiis par une setemane, Diu al è grant, e disè, al viôt e al proviôt ancje in timp di vuere.
Pôcs dîs dopo, i mucs amaçavin la uniche vacje de stale, ma Diu al è restât grant istès, e i grans de corone no an smetût di cori jenfri i dêts la sere, te ore dal rosari.
di Luciano Marinig
#726
6 comments
Lasse une rispueste
Dutis lis contis
Lussian, soi sigûr che il plevan al è lât a scuedi ancje il cuartês o la decime… cjâr il gno jeur.. Bepi
Si,si,Bepi,cence fa dismentîe di scuedi il doi di novembar ancje le blave pes animis. Gracis Bepi.Mandi e stami ben. Lussian
Brâf Lussiane ben tornât a conte curtecurte cu la vene di scrtôr.
Brâf Lussiane ben tornât a conte curtecurte cu la vene di scrtôr.
Lussian no stà scoltâ Bepi. Se dal Plevan nol vûl savent, di sigûr al è un comunistât. Jo a Palermo il cuartês lui pay ducj i agns. Cussì o soi sigûr di cuistami il paradîs. E cjale ben tal to curtil. Cuissà che non torni arivâ un biel jeur. Ana di sgûr par cuant che o torni sù, nus’al prepare cu lis patatis.
Nelo no soi mai stât un mangje predis, ancje se un i a la petade biele a gno nono Zef ..let nono Zef e il quartes ..http://www.contecurte.eu/2014/02/nono-zef-e-il-cuartes/