CorseCurteMarç#20 – Une fieste e un amôr

#20 – Une fieste e un amôr

Tant timp indaûr inte fieste dal 3 di Avrîl la lôr voglade si cjatà e di chel dí a saverin che a jerin fats l´un par chel altri. E fo une bielissime fieste, ghirlandis di colôrs slusints a ornavin lis stradis, pics a colavin des teracis e a vongolavin cun la brise fin a tocjâ tiere, lis feminis a puartavin coronis di flôrs di cjamp sul cjâf e a cusinarin la polente, i oms, tant che al jere costum, a macelarin la cjar di purcit. E jere une sere cjalde, la Vierte e jere a mostrâsi daspó di un Invier masse impegnatîf, la int e jere felice e i lôr ridons si sintivin pes stradis. Marie e vigní cui siei gjenitôrs e i siei fradis; Domenico, invezit, al scherçá cun i siei amiis intun angul intant che a spartirin une tace di vin.

La cuete e fo di ducj i doi cuant che i voi colôr mîl di Marie si cjatarin cui voi colôr aghe di mâr di Domenico. Intal mieç de fieste si scambiarin dôs o trê peraulis, lui al jere avonde viert e le fasè vignî rosse. A formarin une bielissime cubie, so pari lu viodé cuntun pôc di suspiet, nol saveve se al jere ae altece des spietis e par chest al decidé di fâ provis par diviers mês fin che al savé che al jere un om di gran valôr e cuntun bon cûr. Fintremai lôr a cambiarin vogladis compliçs e di tant in tant cjarecis. Si tignirin lis mans e a faserin cjaminadis cun il fradi di Marie e lôr amôr al fo cressint e spartiin cetant moments biei, al fo maraveôs.

Al é propit cussí che ai 21 di Fevrâr dal 1870 a deciderin di unîsi par simpri, il matrimoni al fo sempliç, ma un matrimoni furlan cun ducj i costums. Dôs taulis lungjis intal curtîl a forin plenis de famee, a faserin il purcit e a beverin cetant vin fin la gnot, e fo une fieste spetacolâr soredut parce che sigjilarin chêl amor passionat che al restà par lunc timp, tant che al disé il plevan: ”fin che la muart ju separarà”. Chê union e fo benedete cun cetancj fiis e la lôr gjernazie e fo grande, e lôr a abitarin tieris lontans. O soi un ramaç di chel arbul frondôs par chest o volevi celebrâlu e onorâlu.

di Cecilia Liva (La Sforadie)
#1224

1 comment