Ce contino a San Zorz – A savê contâle

San Zorz, ai 7 di Otubar dal 2015
Vile Dora

Il tierç dai apontaments di Ce Contino a San Zorz al rive e o vin in programe une vore di robis. Ae fin, la presince dal autôr di presentâ, Fulvio Romanin, cul so libri plen di venaduris neris (La stagione della muta) al à fat saltâ fûr une serade avonde gotiche. E alore lis contis curtis a jerin une vore pulp, e ancje la traduzion dal voltâts par furlan, une conte di Richard Matheson, no jere propit des plui legris.

E pûr dilunc la serade o vin ridût une vore. Il Berlon, aromai sburît te fantasie, si è inventât la jurie di X-Tractor, che e deve i vôts a cui che al cjantave. E il biel al è stât che Bizio, il cjantôr, si è esibît intune des sôs specialitâts: tira pac al ultin minût. Ma Franco nus à regalât moments di spoken word une vore biei, compagnât dome de so armonighe. E dopo, come simpri, a son lis intervistis ai nestris esperts: Checo Leterari e Michêl Ordenadôr, che a rispuindi simpri a la stesse domande dal Ostîr (mai cence golarine): “Parcè scrivi contis curtis par furlan?”
E no je finide: o vin vût la conte misteriose, nuiemancul che di Jorge Luis Borges, e la leture di cualchi conte de nestre ostarie, che no mancje mai.

Riferiments

• Articul di promozion de serade
• Croniche de serade su Contecurte
• La stagione della muta, di Fulvio Romanin