Contis Curtis tal Vagon – Contis par Spaventâsi

Remanzâs ai 10 di Dicembar dal 2009
Vagon 116 di Pauli Roiat

Un vagon bandonât che un matucel come Pauli Roiat al si è fat puartâ tal curtîl di cjase. Un sportel di furlan propositîf e ferbint come chel di Remanzâs. Un famei che ancjemò nol veve scrite nissune conte par la Osterie ma che l’Ostîr, cun coraç, al à clamât a lei. Une schirie di seradis a tema, unichis, dulà che al jere simpri cualchi ospit e cualchi imprevist e che a finivin, simpri, a mangjâ e bevi a cjase di Pauli.

In cheste seconde serade dal progjet Contecurte no si jere inmò cuissà ce brâfs a meti adun la scjalute. E pûr o vin un biel librut di contis, dulà che dentri si cjate ancjemò la conte di introduzion, che l’ostîr al scriveve di pueste, e che al leieve par vierzi la serade. La prime sere e je stade cheste, cul vagon plen e la stue par scjaldâsi. E lis contis di pôre, gjavadis di une ostarie che inmò ‘nt veve mancul di un centenâr, metudis sù, ma za une vore bielis.

Riferiments