ScueleCurte_Art10: “Il mus” di Alfredo Pecile

Alfredo Pecile
Pitôr e scultôr, al nassè tal 1954 a Buenos Aires intune famee di migrants furlans. Al studià te Scuele Nazionâl di Bielis Arts in Argjentine. Cuant al decidè di tornâ in Friûl dulà che a Udin si formà te Scuele di Art e Mistîrs Zuan di Udin. Al vîf e al lavore in Italie, a San Zorç e Richinvelde te frazion Provesan.
Tai ultins agns si dediche soredut ae sculture, cun materiâi diviers. In particolâr, al prove diferentis pieris, ma ancje cul len e il ciment. Al tacà ancje a fâ esperiments metint dongje ancje materiâi di ricicli e altris plui contemporanis tant che la plastiche. Cun chest ultin materiâl al puarte indevant laboratoris pai fruts e al cumbine instalazions in tancj contescj ambientâi.
Al da une man ai musiciscj e atôrs a fâ sù atuazions multimediâls biel doprant azions pitorichis e scultorichis leadis ai temis musicâi e leteraris. Al à fat part di tancj simposis di sculture in piere, len e ceramiche.
De sô prime esposizion tal 1984 a Udin ae ultime tal 2025 al mostrà il so art in Friûl ma ancje in dute la Italie, Gjermanie, France, Macedonie, Emirats arabics, Indie e Austrie.

Il mus – sculture in piere – 2000 Feagne – Udin
La sculture, par chei che a son in Friûl, si pues viodile te place “Piazza Unità d’Italia” di Feagne. Al è un mus, simbul di cheste citât dal Culinâr, che ducj i agns a Setembar e inmanee la nomenade Corse dai mus.
Te sculture, la pose dal mus cussì particolâr al rapresente no dome i valôrs furlans tant che la fuarce, la volontât il dûr lavôr, ma ancje un fregul di riviel cuintri il paron. Tai siei voi, i siei dincj strents e la sô code alçade si viôt che al è dut mancul content di jessi sotan.
Cul particolâr stîl di Pecile, il nemâl al à formis stilizadis e sintetichis che i dan une fuarce monumentâl e moderne che al met in mostre il puartament riviel dal mus.

Materie: Art
Mês: Otubar
Prof.: N. S.

1 comment