CC24Avrîl#04 – Cence titul

#04 – Cence titul

Piçulute, si strissine par tiere. Biele, lusinte tant che dutis lis frutis contentis.
I braçuts tenars si slungjin a cirî cualchidun di cjapâ a bracecuel.
Grande, i braçs taronts, frescs, disnodâts si distirin cun chê voie di tocjâ, di cjucjâ, di gjoldi.
Lui si lasse lâ a cheste concuiste.
Il cjâf tai nûi.
I pîts par tiere: al sint un sgrisul par dut il cuarp.
Salacor al è l’aiarin. O se no…
Biel planc si inlidrise in lui la sensazion di jessi scjafoiât di dutis chestis atenzions: “No stâ stâmi masse intor!”
Jê i cimìe e lu struche un pôc di plui.
No duar mai: seneose di un fuart leam di piel.
Lu supe.
La sassare fisse in ogni stagjon de vite, simpri plui scure, simpri plui fuarte.
Sul teren une altre verde elare piçulute si strissine par tiere. Biele lusinte in compagnie di gnovis pividis e slungje i soi braçuts.

di Lorele la Morete (Tiremole)
#1602

2 comments