CC24_La classifiche di Fevrâr

E velu ca, il moment che ducj o spietâvis… e o vin in sachete par voaltris dome une peraule! SORPRESIS!

Eh sì, la classifiche dal mês di Fevrâr e je plene di sorpresis. Us visin subite che il scart cuadratic medi, par cualchi conte, al è altonon! Ven a stâi che a son contis che, par esempli, par mieze zurie a son ladis a finî intes ultimis posizions e par chê altre mieze a son sul podi. Incredibil. E dopo? E dopo o vin un vincidôr par la zurie dal public e ben cuatri al secont puest, cul FantaCorseCurte che al stente a jessi partecipât, ma che al è util par viodi che ogni tant zurie e public a son dacuardi, come par il vincidôr di tape, e ogni tant a resonin par contrari. E di prionte al capite ancje che la classifiche si è rabaltade e cualchidun al à fat un biel salt par denant e cualchidun par daûr.

E o zontìn ancje une altre considerazion, che e je une vore impuartante. No son contis che no son plasudis a di nissun, de zurie. Tignît cont che se une conte e ven metude inte ultime posizion e cjape 1pont e e larès a finîle che e in dut a son sîs ponts, par cui che al rive ultin, Ben po… a ca, i ultins a àn nuiemancul che tor i 40 ponts e adiriture a àn cjapât ponts intes scomessis dal FCC.

In sumis… Velis ca, lis classifichis dal mês di Fevrâr.

Si che, la prime che us mostrin, e o savin che al è dificil di lei, ma le metarin ancje su FB, e je la classifiche dal mês. Prin, che al è plasût a dute la zurie, BRENE SFOLMENADE, che al dât un bon distac a chei daûr, che a son une biele grampe e ducj dongje. Atile, Ippogrifo, Torototele e Secretariât a son ducj li, a pôcs ponts, e par cualchidun di lôr si spietis un biel salt in classifiche. In nerut o vioidês ancje chei che a àn vût assegnate de zurie un prin puest, e e va une menzion par Bultrik.

In cheste tape o vin la colade di Teresine la çuete, che e à prestât fede al non, e di Muspilli, che al salude la prime posizion.

E come simpir e je lade ben a chei che si son zuiâts il bonus “No cumbini” che a son stâts in trê e a àn cjapât nuiemancul che 16 pontes inte classifiche gjenerâl.

Ve ca, alore, la classifiche gjenerâl, che e scomence a poni la fonde par cui che al sarà il campion di Unvier.

Il podi al è dut in doi ponts. e chei daûr a son pronts a profitâ di un pas fals. Ma a dì il vêr, al pâr propit che la spice de classifiche a vignarà decidude dute cul mês di març, cul teme di ambientazion plene. In ogni câs, Brene Sfolmenade, Catine la nere, Secretariât, Torototele e Muspilli a son ducj in corse par vinci la stagjon. E ancje Nonio, Glorious Grene e Daûr la lavagne a  puedin vê cualchi sperance… Cuissà. La corse e je ancjemò lungje… Starin a viodi. Cun di plui, la parte che e somee jessi pardabon interessante e je la mieze classifiche, cun 10 mus e mussis tignût dongje di cinc ponts. A ca al baste une buine tape e si va sù

E sierin cul Fantacorsecurte24. Achì al è clare che o vin int che e si intint di contis, e in efiets i prins trê a parin savê ben su cuâl cjaval scometi. La gjatemarangule, ex vincidore, e à imbrocât une altre volte ben, e e je rivade prime. Ma daûr a smalitin une vore...

Pecjât dome che o vin ancjemò pôcs che a scomentin, ma cuissà, viodarin il mês che al ven!

E par une croniche plui tal detai us invidin a scoltâ OndeFurlane miercus matine, ai 20, dulà che al sarà il nestri Ticât dai Mus a fâ la radiocroniche24 de CorseCurte!