Contecurte di Nadâl te Panarie

E ancje ta chest numar, o sin restâts dentri de Panarie cul nestri cjantonut di Contecurte, e par sierâ in glorie il 2025 o vin pensât di no fâ maraveis e di lâ sul classic… ven a stâi, un cjantonut di Nadâl!

Ma o savês za che noaltris de Ostarie no sin masse bogns di jessi classics e il cjantonut al è sì vignût di Nadâl, ma magari no simpri cun chel clime che si pensarès. E alore, se o vês voie di gjoldisi lis contis scalembris (ma ancje chês de tradizion) che a son ladis a finîle te Panarie, leit a cirî la riviste (o ancjemò miôr, abonaisi) e scuvierzeit cemût che si fâs a lei una conte… di sot in sù.